İKT TƏHSİL

Məlum olduğu kimi, Təhsil Nazirliyinin təşkil etdiyi Təhsildə inkişaf və innovasiyalar üzrə 1-ci qrant müsabiqəsinin nəticələri elan olundu.

Xeberler.az olaraq qalib olan layihələri diqqətdə saxlayırıq.

Fərdi layihələr çərçvəsində  qalib olan  biri də  “STEM Azərbaycanda”  layihəsidir.

“STEM Azərbaycanda”  bütün respublika müəllimlərinin faydalana biləcəyi  innovativ təlim texnologiyası olan STEM-in Azərbaycan təhsilinə inteqrasiyasını və kütləvi-açıq-onlayn-kurs (MOOC) üsulunu özündə ehtiva edir.

Layihənin rəhbəri “Ən yaxşı müəllim” müsabiqəsinin qalibi, Microsoft İnnovativ Educator, Sumqayıt  şəhərində  1 nömrəli tam orta məktəbin fizika müəllimi Aliyə Əhmədovadır.

Aliyə Əhmədova ilə layihə barədə ətraflı söhbət etdik.

Onun sözlərinə görə, STEM təlim texnologiyası  – texniki və təbiət fənlərin tədrisində orta məktəbin ənənəvi nəzəriyyə əzbərlətmə üsullarından fərqli olaraq, “layihə əsaslı öyrətmə” vasitəsilə elmi-texniki biliklərin gündəlik həyatda necə tətbiq olunmasını təhsilalanlara aşılayır:

“STEM  termini  Science - təbiət elmləri, Technology - texnologiya, Engineering - mühəndislik ve Mathematics - riyaziyyat sözlərinin ilk hərflərindən götürülüb. Təhsildə istifadə olunan yeni  təlim texnologiyalarından  biridir. Bu tədris metodunda riyaziyyat, texnologiya, mühəndislik, təbiət fənnlərinin tədrisinin aylıqda yox, birlikdə əlaqaləli şəkildə həyata keçrilməsi nəzərdə tutulur”.

A.Əhmədova deyib ki, bu texnologiyanın hazırda ən çox tətbiq olunduğu ölkələr ABŞ, İngiltərə, Finlandiya,  Koreya və Almaniyadır:

“Bu təlim texnologiyasının əsas məqsədi şagirdlərdə  “XXI əsr bacarıqları”nı formalaşdırmaq və inkişaf etdirməkdir. Bu tədris üsulunda şagirdlər riyaziyyat və təbiət fənlərində öyrəndikləri müxtəlif məlumatları gündəlik həyatlarında qarşılarına çıxan müxtəlif problemlərə, müxtəlif  layihələrdə tətbiq etməklə öz yaradıcılıqlarını, komanda şəkilində işləmək bacarıqlarını, məntiqi  təfəkkürlərini, problem həll etmə bacarıqlarını inkişaf etdirirlər. Eyni zamanda, öyrəndiklərini tətbiq etdikləri üçün öyrəndikləri məlumatları daha yaxşı mənimsəyir, daha uzun müddət onların yaddaşında qalır. Seçilən problemlerin və icra olunan layihələrin real həyatla əlaqəli olmasına, eyni zamanda şagirdyönümlü olmasına xüsusi diqqət edilir.  Bu təlim texnologiyası ilə qurulan dərslər şagirdlər üçün daha maraqlı və daha cəlbedici olur, onlar dərslərdə daha fəal və həvəslə iştirak edirlər”.

Onun sözlərinə görə,  dərslərin STEM əsaslı qurula bilməsi üçün  müəllimdən xüsusi bilik və bacarıqlar tələb olunur. Çünki layihələr, seçilmiş modellər nə qədər şagirdyönümlü olsa da, müəllim layihələrin hazırlanmasında  və problemlərin həllində şagirdlərlə birlikdə fəaliyyət göstərir, onların fəaliyyətini istiqamətləndirir. Buna görə də STEM təlim texnologiyası tətbiq olunan  məktəblərdə müəllimlərə öncədən xüsusi təlimlər keçirilir.

Öyərənirik ki,   “STEM müəllimləri” onlayn kursunun hədəf qrupu biologiya, kimya, coğrafiya, ekologiya, astronomiya, riyaziyyat, fizika, texnologiya və informatika fənn  müəllimləridir. Layihədən faydalanmaq istəyən müəllimlər, tələbələr aşağıdakıları icra etməlidir:

I addım: Layihənin rəsmi facebook sosial səhifəsinin üzvü olmaqla, ən son məlumatları izləmək:https://www.facebook.com/groups/1961230137497861/?ref=bookmarks

II addım: Layihənin rəsmi saytında yerləşdiriləcək təlim modullarında iştrirak etmək:   http://www.stemazerbaycanda.com/

III addım: onlayn təlimlər üçün qeydiyyatdan keçmək: http://www.stemazerbaycanda.com/p/kursa-qeydiyyat.html

Qeyd edək ki,  oktyabrın 16-da  başlayan onlayn təlim kursu ümumilikdə 4 təlimdən ibarətdir. Qiymətləndirilmə nəticələrinə görə müdavimlər dinləyici və STEM müəllimi statuslu e-sertifikatlarla təmin olunaca1.Sertifikatlar hər iştirakçının e-mailinə göndəriləcək. Layihə çərçivəsində, respublika müəllimlərini təbiət və texniki  fənlərinin tədrisi zamanı yeni təlim texnologiyası olan STEM-in tətbiqinə stimullaşdırmaq məqsədilə, “Azərbaycanda STEM müəllimləri” onlayn müsabiqənin keçirilməsi planlaşdırılır.

Müsabiqəyə işlərin qəbulu noyabrın 20-də  başlayacaq. Müsaiqəyə iş təqdim etmiş bütün iştirakçılar iştirakçı e-sertifikatı, qalib və fərqlənənlər isə təltifetmə tədbiri zamanı diplomlarla təlitif ediləcək. Layihə çərçivəsində rellaşdırılacaq onlayn təlim kursu və onlayn müsabiqənin iştirakçısı olmaq üçün saytda qeydiyyatdan keçmək tələb olunur.

Məltəm Talıbzadə