Azərbaycanda rabitə müəssisələrinin özəlləşdirilməsinə hazırlıq gedir

22-01-2011 / 15:22

Yaxın vaxtlarda Azərbaycanda dövlətə məxsus rabitə müəssisələrinin özəlləşdirilməsi üçün hazırlıqlara start veriləcək.

Rabitə və informasiya texnologiyaları naziri Əli Abbasov bildirib ki, bu il Azərbaycandakı stasionar rabitə müəssisələrinin birləşdirilərək onların bazasında Açıq Səhmdar Cəmiyyətinin (ASC) yaradılması gözlənilir. Stasionar telekom şirkəti adlanacaq yeni ASC-yə ölkənin əsas rabitə müəssisələri – «Aztelekom», Bakı şəhər Telefon-Rabitə İstehsalat Birliyi və onların ətrafında olan digər müəssisələr daxil olacaq.

Səhmləri 100%-i dövlətə məxsus olan ASC-nin idarə edilməsi ilə Əmlak Məsələləri üzrə Dövlət Komitəsi məşğul olacaq. İkinci mərhələdə isə bu qurumun özəlləşdirilməsinə başlanacaq.

Əli Abbasovun sözlərinə görə, bununla da Azərbaycanın İKT bazarında normal bazar sistemi qurulacaq: «Yəni bazarda yalnız tənzimləyici orqan və özəl şirkətlər olacaq. Bu orqan özəl şirkətlər arasındakı münasibətləri tənzimləyəcək». APA


ŞƏRHLƏR






sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.