Azərbaycanda rəqəmli hüquqların idarəetmə sistemi tətbiq olunub

11-02-2020 / 17:26

Əqli Mülkiyyət Agentliyinin tabeliyində olan Əqli Mülkiyyət Hüquqlarının Təminatı Mərkəzində istifadə olunan DRM (“Digital Rights Management”) sisteminin tətbiqi artıq təmin olunub.

Xeberler.az-ın verdiyi məlumata görə, qurumdan qeyd ediblər ki, hazırda elektron bazanın formalaşdırılması işi yekunlaşdırılıb və hazırda yeni məlumatların rəqəmsallaşdırılaraq elektron bazaya yerləşdirilməsi prosesi davam etdirilir.

“Avropa Komissiyası ilə birgə 9 sentyabr 2019-cu il tarixində “Rəqəmli şəbəkələrdə əqli mülkiyyətin idarə edilməsi və qorunması üzrə Əqli Mülkiyyət Agentliyinin institusional qabiliyyətin gücləndirilməsi” adlı tvinninq layihəsi icra olunmağa başlanılıb. Layihə çərçivəsində əsərlərin yüksəktutumlu məlumat bazalarında saxlanması, əsərlərdən istifadənin və onların lisenziyalaşdırılması qaydalarının işlənib hazırlanması, məlumat bazasında əsərlərlə bağlı hüquqların pozulması hallarının aşkarlanması məqsədilə monitorinq mexanizminin inteqrasiya olunması işləri icra olunacaq”, - deyə Agentlikdən qeyd ediblər.

Əlavə olaraq bildirilib ki, nümunəvi beynəlxalq standartlar və təcrübələrlə uyğunluğunu təmin etmək, o cümlədən beynəlxalq və Avropa İttifaqı ölkələrinin məlumat bazalarına (arxivlərinə) operativ uyğunluğu təmin etmək məqsədilə məlumat bazasının potensialının maksimuma çatdırılması tələb olunacaq.

Tvinninq layihəsinin həyata keçirilməsi dövründə Azərbaycana səfər edəcək xarici ekspertlərlə yüksək səviyyəli tərtibatın və metodologiyanın müəyyənləşdirilməsində, mövcud texniki avadanlıqların qiymətləndirilməsində və texniki avadanlıqla bağlı əlavə tələblərin öyrənilməsində məsləhətləşmələr aparılacaq. İlk növbədə qəbul edilən sistem tərtibatının yerinə yetirilməsi məqsədilə kompüterlərin proqram təminatı üçün texniki xüsusiyyətlər işlənib hazırlanacaq və təmin ediləcək.

Rəqəmli şəbəkələrdə əqli mülkiyyət hüquqları ilə qorunan obyektlərdən istifadə edilməsinə “one-stop-shop” formatında və onlayn qaydada icazə verilməsinə əsaslanan DRM-in e-ödəniş modulunun hazırlanması istiqamətində işlər davam etdirilir.


ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.