Azərbaycanın ilk veb-saytının 20 yaşı oldu

17-12-2015 / 13:16

Bu gün Azərbaycanın ilk veb-saytı - www.science.az 20 yaşını qeyd edib.

Xeberler.az-ın məlumatına görə, İnformasiya Texnologiyaları İnstitutunda  AMEA-nın www.science.az rəsmi veb-portalının 20 illik yubileyinə həsr olunan tədbir keçirilib.

Yubiley tədbirində science.gov.az portalının 20 il ərzindəki fəaliyyətinə, Azərbaycan elminin işıqlandırılması istiqamətində görülən işlərə, həyata keçirilən layihələrə nəzər salınıb.

əlumatına görə, saytın 20 illik yubileyinə həsr olunmuş tədbirdə AMEA prezidenti, akademik Akif Əlizadə bu il akademiyanın 70 illik yubileyi çərçivəsində portalın yeni versiyasının istifadəyə verildiyini bildirib. Bundan əlavə, Azərbaycanda ilk elmi internet-televiziya olan Milli Elmlər Akademiyasının “ElmTV” veb-telekanalının yaradıldığını və portalda yayımlandığını vurğulayıb.

Akif Əlizadə meqaportalın təkcə Milli Elmlər Akademiyasının rəsmi veb-resursu deyil, həm də Azərbaycanda ilk internet-jurnalistika məktəbi olduğunu söyləyib: “Bu gün əminliklə demək olar ki, www.science.az-ın fəaliyyətə başlaması ölkədə internet-medianın, veb-jurnalistikanın əsasını qoyub. İnternet-media sahəsində ilk və əvəzsiz xidmətlərini, mətbuat tariximizə gətirdiyi yenilikləri nəzərə alaraq demək olar ki, www.science.az portalı müasir dövrün “elektron-Əkinçi”sidir”.

AMEA-nın akademik-katibi, AMEA İnformasiya Texnologiyaları İnstitutunun direktoru, akademik Rasim Əliquliyev bildirib ki, internet-medianın ilk nümunələrinin XX əsrin sonlarına təsadüf edib. Alim Azərbaycanda ilk dəfə internetə çıxışın 1991-ci ildə Milli Elmlər Akademiyasının İnformasiya Texnologiyaları İnstitutunda bir qrup alim və mütəxəssis tərəfindən həyata keçirildiyini deyib: “Bu, həmin dövrdə müharibə şəraitində yaşayan Azərbaycanın maraqlarına xidmət edən milli-mənəvi dəyərlərin, tarixi həqiqətlərin dünya ictimaiyyətinə çatdırılması üçün qlobal informasiya məkanına inteqrasiya baxımından böyük hadisə idi. İnternetə çıxışın təmin olunması və vüsət alması 140 illik tarixi olan Azərbaycan mətbuatının, mediasının inkişaf mərhələsində yeni səhifə açdı”.

Rasim Əliquliyev bildirib ki, milli mətbuatımızın bünövrəsini Əkinçi qəzeti qoyduğu kimi, bu portal Azərbaycanın elektron mətbuatının Əkinçi-si, ilk qaranquşu hesab olunur və ölkəmizdə ilk internet-jurnalistika məktəbidir.

Bu il yeni texnologiyalar tətbiq olunmaqla yeni versiyası hazırlanmış portalın ölkənin mətbuat tarixi və İnternet-media məkanında rolu qiymətləndirilib.

 Xeberler.az


ŞƏRHLƏR






sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.