Azərbaycanlı alimlərin məqaləsi ABŞ-da çap olunan kitaba daxil edilib

02-12-2022 / 21:54

Azərbaycan alimlərinin birgə məqaləsi ABŞ-ın Pensilvaniya ştatında fəaliyyət göstərən “IGI Global” nəşriyyatının redaksiya heyəti tərəfindən seçilərək “Xidmətdən İmtina Hücumları ilə Mübarizə üzrə Tədqiqatlar Antologiyası” (Research Anthology on Combating Denial-of-Service Attacks) kitabına daxil edilib.

Bu barədə Xeberler.az-a  İnformasiya Texnologiyaları İnstitutundan məlumat verilib.

Kitaba AMEA-nın vitse-prezidenti, İnformasiya Texnologiyaları İnstitutunun baş direktoru, akademik Rasim Əliquliyev, şöbə müdiri, AMEA-nın müxbir üzvü Ramiz Alıquliyev və aparıcı elmi işçi, texnika üzrə fəlsəfə doktoru, dosent Fərqanə Abdullayevanın həmmüəllifi olduqları “Sosial media verilənlərində DDoS hücumların proqnozlaşdırılması üçün təkmilləşdirilmiş LSTM və CNN modelləri” (“The improved LSTM and CNN models for DDoS attacks prediction in social media”) adlı məqalə daxil edilib.

Antologiya informasiya sistemlərinin iş prosesinə mane olan kiberhücumların qarşısının alınması və onlarla mübarizə üçün müdaxilələrin aşkarlanması sistemlərinin yaradılması sahəsində təklif edilmiş müasir yanaşmaları tədqiq edir.

Kitabda kibertəhlükəsizliyin tətbiqi səviyyə protokolları, botnetlərin identifikasiyası, kiberhücumlar, verilənlər bazalarının təhlükəsizliyi, paylanmış xidmətdən imtina hücumları (DDoS), hakerlik, hücumların aşkarlanması sistemləri, zərərli proqramların aşkarlanması, şəbəkə administratorluğu, VPN təhlükəsizliyi, veb-təhlükəsizlik kimi sahələrdə aparılan tədqiqatların nəticələri yer alıb.

Xeberler.az


ŞƏRHLƏR






sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.