Azərkosmos-un mütəxəssisləri Fransada təlim keçib

24-11-2015 / 11:11

Azərcosmos ASC-nin mütəxəssisləri Fransanın Airbus Defence and Space şirkəti  arasında strateji əməkdaşlıq çərçivəsində Fransada bu ilin sentyabr-noyabr aylarında təlim keçib.

Xeberler.az bildirir ki, həm nəzəri, həm də praktiki bilikləri əhatə edən təlimlər Airbus şirkətlər qrupunun müşahidə peykləri üzrə təcrübəli texniki mütəxəssisləri tərəfindən tədris edilib. Təlim ilk müşahidə peykimiz Azersky-ın idarəolunması, peykin proqramlaşdırılması, peykdən alınan təsvirlərin emalı və onların müxtəlif məqsədlər üçün tətbiq imkanları, təsvirlərin keyfiyyət analizi kimi mövzuları əhatə edib. Qeyd edək ki, təlimin  nəzəri və praktiki hissələri ilə yanaşı, Airbus Defence and Space şirkətinin və Azərkosmosun mütəxəssisləri  birgə Azersky və analoji sistemə malik SPOT 6 peykləri üzərində real əməliyyatlar icra edib. Sonda təlimi müvəffəqiyyətlə başa vuran Azərkosmos əməkdaşları sertifikatlarla təltif edilib.

“Azərkosmosun əməkdaşları peşəkar və bacarıqlı komanda heyətindən təşkil olunub və təlimlərdən yüksək səviyyədə faydalanıblar.” – deyə Airbus Defence and Space şirkətindən təlimin layihə rəhbəri Kristian Renu bildirib.

Təlimdən əldə olunan nəzəri və praktiki biliklərin istifadəsi Azersky peykinin idarəedilməsi, əldə olunan təsvirlərin emal prosesinin dəqiqliyini yüksəldilməsi, resurslarından minimal istifadə etməklə peykin missiyasının optimal planlaşdırılması istiqamətində daha uğurlu nəticələr əldə etməyə imkan verəcək.

 

Xeberler.az


ŞƏRHLƏR






sorğu
İT mütəxəssislər iş yerlərini hansı meyarlar əsasında seçir ?
  • Şirkətin yüksək statusuna görə
  • İşin, layihənin xarakterinə görə
  • Əmək müqaviləsinin olmasına görə
  • Yüksək əmək haqqına, mükafatlara və digər güzəştlərə görə
  • Gələcək karyerası üçün əhəmiyyət kəsb etdiyinə görə
  • Maraqlı, işgüzar kollektivə görə