E-TİCARƏT

Məlum olduğu kimi, Azərpoçt yeni layihə həyata keçirir.

Belə ki, qurum ölkələrarası elektron ticarətin həyata keçirilməsi üçün regional tranzit poçt mərkəzi (HUB) kimi fəaliyyət göstərməsi sahəsində layihəyə başlayırb.

Qurumdan Xeberler.az-a verilən məlumata görə, bu məqsədlə Azərpoçt və Silk Way aviaşirkəti arasında əməkdaşlıq müqaviləsi imzalanıb.

Layihəyə əsasən dünyanın əsas yük mərkəzi olan Çində sifariş olunan e-ticarət məhsulları bu ölkədə fəaliyyət göstərən yerli kuryer şirkətlərindən Silk Way vasitəsilə qəbul olunaraq Azərbaycana gətirilir.

Azərpoçt bu məhsulları poçt kimi emal edərək MDB və digər ölkələrə daşınma və çatdırılmasını həyata keçirir.

Məlumata görə, indiyədək poçt tranzit mərkəzdə 17 ölkəyə emal həyata keçirilib.

Eyni zamanda, Azərpoçt-un sürətli poçt daşıma (EMS) xidməti ilə Estoniya poçtu arasında bağlanmış müqavilə əsasında ABŞ və Almaniyadan daxil olan EMS göndərişləri qurum üzəridən Rusiyaya göndərilir.

Qeyd edilib ki, hazırda Çin, Cənubi Koreya və Sinqapur kimi ölkələrlə danışıqlar aparılır. Yaxın zamanlarda daha iri həcmlərdə e-ticarət məhsullarının Azərbaycan üzərindən xarici ölkələrə daşınması və çatdırılması planlaşdırılır.

Məltəm Talıbzadə