“Azərpoçt” MMC və “Azercell Telecom” MMC arasında 2022-ci ildən başlayan əməkdaşlıq növbəti mərhələyə keçib. Məntəqələrində “Azercell” abunəçilərinə müştəri xidmətlərinin göstərilməsini təmin edən “Azərpoçt” bürünc sertifikatlı rəsmi diler statusu alıb.
Xeberler.az məlumat verir ki, hazırda “Azərpoçt”un Bakı üzrə məntəqələrində təqdim olunan “Azercell” xidmətləri bu ildən etibarən ölkənin 60-dan çox şəhər və rayonunda da təşkil ediləcək.
Beş ay davam edən təlimlərdən sonra “Azərpoçt”un 100-dək əməkdaşına “Azercell”in bürünc sertifikatı təqdim edilib. Bu sertifikat əməliyyatçılara “Azercell”in keyfiyyət standartlarına uyğun xidmət göstərmək imkanı verir. Həmin əməkdaşlar müştərilər üçün “Azercell” nömrələrinin satışı, “ASAN İmza” xidmətinin və çoxçeşidli internet paketlərinin aktiv edilməsi, ləğv olunmuş nömrələrin bərpası və nömrə daşınması kimi əməliyyatları həyata keçirəcəklər.
Ölkənin yeganə milli poçt operatoru “Azərpoçt” MMC-nin “Azercell Telekom” MMC ilə əməkdaşlığı hər iki quruma müştərilərinə daha rahat və keyfiyyətli xidmət göstərməyə imkan yaradacaq.
Xatırladaq ki, “Azərpoçt” MMC əhaliyə ənənəvi poçt xidmətləri, eyni zamanda, bank, sığorta kimi qeyri-ənənəvi xidmətlər, elektron ödənişlər, depozitlər və digər maliyyə xidmətləri, elektron hökumət və biznes xidmətləri təqdim edir.
Televiziyaların reytinqini kim ölçür, necə ölçür və nəticələr ağlabatan olacaqmı?
Nazirlik inkubasiya mərkəzlərini niyə topladı? –Şərh
Windows 10-u necə sürətləndirmək olar?
Bizi idarə edən güc: Netokratiya
Tor: şəbəkənin nəzarətindən azad olmaq imkanı
Facebook müəmması
4G mobil texnologiyası niyə ləngiyir?
Rəqəmli yayım: mərkəzdən kənarda yaşayanlar nə etsin?
“Asan imzanı belə gördüm”- Azər Həsrət
Satışa çıxarılmış Azərbaycan adları