İKT sektoruna 158.3 milyon investisiya yatırılıb

16-07-2015 / 12:35

Rabitə və Yüksək Texnologiyalar Nazirliyi üzrə bu ilin birinci yarısında informasiya-kommunikasiya texnologiyaları sektoruna 158.3 milyon manat investisiya yatırılıb.

Nazirlikdən Xəbərlər-ə verilən məlumata görə, sektor üzrə investisiya ölkə iqtisadiyyatına qoyulan sərmayənin 2 faizini təşkil edir və ötən ilin 6 ayı ilə müqayisədə investisiyanın həcmi 2.5 dəfə çoxdur.

Nazirlik üzrə infrastrukturun modernləşdirilməsi, yeni texnologiyaların tətbiqi və xidmətlərin keyfiyyətinin artırılması üzrə həyata keçirilən investisiya layihələri çərçivəsində 24 yeni elektron ATS istismara verilib, 3 ATS rekonstruksiya olunub, 29 ATS-də genişləndirmə işləri aparılıb. Nəticədə respublikanın ümumi telefon şəbəkəsi üzrə montaj tutumu 10 min 911 nömrə artırılaraq 1 milyon 855 min 211 nömrəyə, əsas telefon aparatlarının sayı 7 min 819 nömrə artırılaraq 1 493 134 nömrəyə çatdırılıb, 218.6 kilometr fiber-optik kabel çəkilib.

Xeberler.az


ŞƏRHLƏR






sorğu
İT mütəxəssislər iş yerlərini hansı meyarlar əsasında seçir ?
  • Şirkətin yüksək statusuna görə
  • İşin, layihənin xarakterinə görə
  • Əmək müqaviləsinin olmasına görə
  • Yüksək əmək haqqına, mükafatlara və digər güzəştlərə görə
  • Gələcək karyerası üçün əhəmiyyət kəsb etdiyinə görə
  • Maraqlı, işgüzar kollektivə görə