Bill Geyts bərpa olunan energetika sahəsinə daha çox sərmayə yatıracaq

29-06-2015 / 10:48

Microsoft korporasiyasının təsisçisi və dünyanın ən varlı adamı Bill Geyts yaxın beş ildə energetikada innovativ “yaşıl” texnologiyalarla əlaqədar layihələrə şəxsi investisiyaları iki dəfə - 2 milyard dollaradək artırmağı planlaşdırır.

Xeberler.az RYTN-nin rəsmi saytına istinadən məlumat verir ki, bu barədə korporasiya təsisçisi Financial Times nəşrinə müsahibədə bildirib.

Onun sözlərinə görə, o, artıq bərpa olunan energetika sahəsində onlarla startapa, o cümlədən enerjinin saxlanılması üçün akkumulyatorlara, yeni nəsil nüvə enerjisinə və s. 1 milyard dollara yaxın vəsait yatırıb.  

Bill Geyts daha 15 şirkətə birbaşa, Khosla Ventures və Kleiner Perkins vençur kapital fondları vasitəsilə isə 30 layihəyə investisiya yatırmağı nəzərdə tutur.  

“Müsbət nəticəyə nail olmaq üçün yeganə üsul güclü innovasiyalardır. İnnovasiyalar həqiqətən həyat tərzini dəyişir”, - milyarder deyib.

O, dünya dövlətlərini “yaşıl” energetikanın subsidiyalaşdırılmasından qismən imtina etməyə və boşalan resursların bir hissəsini fundamental tədqiqatların maliyyələşdirilməsinə keçirməyə çağırıb.

Dünyanın ən varlı adamının məlumatına görə, hazırda dünya bərpa olunan enerji mənbələrindən istifadəyə 100 milyard dollar məbləğində subsidiya ayırır, halbuki bu sahədə elmi-tədqiqat və təcrübi-konstruktor işləmələrinə ildə 6 milyard dollar xərclənir.

Forbes jurnalının məlumatına görə, 59 yaşlı B.Geyts 2014-cü ilin martında dünyanın ən varlı adamı adını özünə qaytarıb. İyunun 26-na olan vəziyyətə görə, onun var-dövlətinin dəyəri 79,4 milyard dollar qiymətləndirilir.

Xeberler.az

 

ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.