BTRİB yeni saytı və loqosunu təqdim etdi-Tariflər aşağı salınıb

03-10-2016 / 18:43

 Bu gün Rabitə və Yüksək Texnologiyalar Nazirliyi Bakı Telefon Rabitəsi İstehsalat Birliyi (BTRİB) həyata keçirilən islahatlar çərçivəsində yeni əmtəə nişanını təqdim edib.

Xeberler.az bildirir ki, tədbirdə qeyd edilib ki, bu gündən etibarən Bakı Telefon Rabitəsi İstehsalat Birliyi “baktelecom” əmtəə nişanı ilə fəaliyyətini davam etdirəcək. Rebrendinq prosesi çərçivəsində yeni loqo da formalaşdırılıb.

BTRİB-in baş direktorunun kommersiya məsələləri üzrə müşaviri Ramin Muxtarzadə qeyd edib ki, yeni loqo Morze əlifbası ilə “1881 BTC” simvollarını ehtiva edir. Loqodakı 1881 rəqəmi Azərbaycanda ilk telefon xəttinin istismara verilməsi tarixinə işarədir, “BTC” isə  “baktelecom” sözünün qısaldılmış formasıdır.  

Məlumat üçün qeyd edək ki, Morze əlifbasından rabitə tarixində ilk ünsiyyət vasitəsi kimi istifadə olunub.

Onun sözlərinə görə, eyni zamanda, BTRİB bu gündən etibarən yeni veb-saytını - www.baktelecom.az  da  istifadəçilərin ixtiyarına verib:

“Müasir standartlara cavab verən yeni veb-sayta daxil edilmiş funksiyalar sayəsində istifadəçilər BTRİB-ə aid bütün xidmətlər haqqında ətraflı məlumat əldə edəcək, müəssisənin fəaliyyət dairəsinə aid olan xidmətlərdən onlayn şəkildə yararlanacaq və telekommunikasiya sahəsində baş verən ən son yeniliklərdən xəbərdar olacaq”.

Saytdakı “Mənə zəng et” funksiyası vasitəsi ilə abunəçi çağrı mərkəzi ilə əlaqə saxlamaq üçün uyğun vaxt seçə və Mərkəz operatorunun onunla əlaqə saxlamasını təmin edə bilər.

“Şəxsi kabinet”  bölməsi abunəçinin istifadə və ödəmə tarixçəsini özündə əks etdirməklə mövcud borcu göstərmək imkanına da malikdir.

Həmçinin “Onlayn ödənişlər” bölməsində istifadəçi məsafə qət etmədən BTRİB-in təqdim etdiyi xidmətlər üzrə ödənişlərini həyata keçirə bilər.

“Onlayn çat” bölməsində hər hansı səbəbdən telekommunikasiya qovşaqlarına gələ bilməyən abunəçinin müraciəti müştəri xidmətləri operatoru tərəfindən dərhal cavablandırılır.

Bundan başqa, yeni veb-sayt vasitəsilə BTRİB-in təklif etdiyi yeni və sərfəli kampaniyalar haqqında məlumatlar  almaq mümkündür.

Qurum rəsmisi deyib ki, saytı idarə etmək üçün 5-6 nəfərdən ibarət xüsusi komanda təşkil edilib:

“Artıq sayt üzərində ayda bir dəfə yenilənmə aparılmayacaq. Belə ki, saytın ayrıca kontent və piyar meneceri təşkil edilib. Saytın sosial şəbəkələrdəki səhifələrinə nəzarət etmək üçün ayrıca SMM mütəxssis cəlb edilib. Bununla yanaşı, qurumun texniki işlərlə bağlı İT mütəxəssisləri və veb-dizayneri də bu işə nəzarət edəcək”.

Onun sözlərinə görə, BTRİB  həmçinin rabitə  xidmətlərin tarifində yeniliklər də edib.

Belə ki, tariflərin qiyməti aşağı salınıb:

“Yenilənmiş rabitə tarifləri də saytda yerləşdirilib. Tam məsuliyyətlə deyə bilərəm ki,  bazarda 3-ü birində məhsullar üçün ən ucuz qiymət artıq BTRİB-dədir”.

Ramin Muxtarzadə əlavə edib ki, bundan sonra BTRİB-in bütün xidmətləri, yenilikləri “baktelecom” əmtəə nişanı ilə təqdim ediləcək. 

 

 

Məltəm Talıbzadə

 


ŞƏRHLƏR






sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.