Daşkənddəki regional seminarda Azərbaycan da təmsil olunub

21-06-2018 / 11:30

Daşkənddə Beynəlxalq Elektorabitə İttifaqı (BEİ) Müstəqil Dövlətlər Birliyi (MDB) və Asiya Sakit Okean (ASO) regionu ölkələri üçün regional seminar keçirib.

Xeberler.az AZƏRTAC-a istinad edərək, bildirir ki, seminarda BEİ-nın ekspertləri, MDB və ASO regionundanj olan ölkələrin nümayəndələri, informasiya-kommunikasiya texnologiya sahəsi üzrə mütəxəssislər, bu sahədə fəaliyyət göstərən elmi institutların nümayəndələri iştirak edib.

Ölkəmizi bu tədbirdə Nəqliyyat, Rabitə və Yüksək Texnologiyalar Nazirliyi telekommunikasiya və poçt xidmətləri şöbəsinin konsultantı Ceyhun Ələkbərov təmsil edib.

Tədbirdə MDB və ASO ölkələrində informasiya texnologiyaları sahəsində vəziyyət, bu sahənin inkişaf perspektivləri, proqram təminatı, məlumatların müdafiəsi, təhlükəsizliyin qorunması və digər məsələlər müzakirə edilib.

Seminarda iştirakçı ölkələrin hökumətlərində kibertəhlükəsizliyin təminatı və tənzimlənməsi sahəsindəki rol, informasiya kommunikasiya texnologiyalarının dövlət strukturlarında tətbiqi məsələləri də diqqət mərkəzində olub.


ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.