Dünyanın ən yüksək yaddaşlı mikro kartı təqdim olundu

03-03-2015 / 11:22

Fləş yaddaşlar, hard disklər və Micro SD kartları ilə məşhur olan SanDisk firması, bu günə qədər çıxarılan ən yüksək həcmli Micro SD kartı hazırlamağı bacardı. Rekordu qıran SanDisk, 200 GB-lıq yaddaş sahəsinə sahib olan bir Micro SD kart təqdim etdi.

 20 saata qədər yazılan Full HD formatlı videoları yaddaşında saxlaya bilən kart xüsusilə səs və video faylları ilə əlaqədar işləyən insanlara çox kömək olacaq. 200 GB SanDisk Ultra microSDXC UHS-I adı ilə bazara çıxacaq olan kart Premium səviyyəli məhsuldur. Ən böyük microSD kartını ötən il istehsal edən SanDisk firması, 128 GB-lıq rekordunu 200 GB-a qədər artıraraq olduqca yaxşı nəticə göstərdi.

 Xüsusilə ağıllı telefon və tablet sahiblərinin işinə yarayacaq olan 200 GB-lıq kart Android mobil telefon sahiblərini sevindirdi. Saniyədə 90 MB transfer sürətinə sahib olan kart, dəqiqədə təxminən 1200 fotoşəkil transferi reallaşdıra bilir. 399 Dollar qiymət ilə satışa təqdim ediləcək olan SanDisk-in yeni microSD kartının, 2015-ci ilin ikinci rübündə satışa çıxacağı ifadə edildi.

                                                                                 Ağasəf Haqverdiyev


ŞƏRHLƏR






sorğu
İT mütəxəssislər iş yerlərini hansı meyarlar əsasında seçir ?
  • Şirkətin yüksək statusuna görə
  • İşin, layihənin xarakterinə görə
  • Əmək müqaviləsinin olmasına görə
  • Yüksək əmək haqqına, mükafatlara və digər güzəştlərə görə
  • Gələcək karyerası üçün əhəmiyyət kəsb etdiyinə görə
  • Maraqlı, işgüzar kollektivə görə