e-sosial.az resursunda nə baş verir?

07-04-2020 / 18:21

Xeberler.az bildirir ki, hazırda ölkədə yaramış situasiyada ictimai əhəmiyyət kəsb edən bir resurs, e-sosial.az resursunda ciddi problemlər yaşanır.

Vətəndaşlar Əmək və Əhalinin Sosial Müdafiəsi Nazirliyi birdəfəlik ödəməni almaq hüququna baxılması dəstəyindən istifadə etmək üçün resursda qeydiyyatdan keçə bilmirlər. Bəzi hallarda resurs ümumiyyətlə açılmır.

Məsələ ilə bağlı Azərbaycan İnternet Formunun Prezidenti, ekspert Osman Gündüz münasibət bildirib:

"Güman ki, sayt vətəndaşların çoxsaylı müraciətlərini qarşılamağa hazır deyilmiş və yüklənmə səbəbindən normal çalışa bilmir. Vaxt az olduğundan ƏƏSMN ciddi tədbirlər görməlidir.

ASAN -nın, Xüsusi Rabitə və İnformasiya Təhlükəsizliyi Dövlət Agentliyinin, digər əlaqəli qurumların bu cür böhranlı anlarda aktiv işləyən İT mütəxəssislərinnin köməyindən istifadə etmək olar.

Yaxşı olardı ki, hökumət, yaxud ASAN indiki zamanda böhranlı anlarda çevik işləyən, əlaqəli dövlət qurumların İT nümayəndələrindən ibarət İşçi Qrup yaratsın .
Əvvəllər gov sektorda problemli-böhranlı anlarda bir necə dəfə belə qruplar yaradılıb və yaxşı effekt verib.

Düşünürəm ki, işsizlərə hökumətin müvafiq dəstəyi ilə bağlı e-xidmətdən istifadə üçün müvəqqəti olaraq qeydiyyat prosedurasını sadələşdirmək, müraciətləri müəyyən qrafik-parametrlər üzrə qəbul etmək də olardı.

ƏƏSMN, ASAN və digər qurumlar təcili birgə səylərlə resursun normal işini bərpa etməlidirlər.

Vətəndaşlardan da xahiş olunur ki, hələlik qeydiyyat üçün xeyli zaman qaldığından, qeydiyyat üçün bir qədər səbrli olsunlar".


ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.