Ekspert açıq məlumat bazasından danışdı

19-06-2019 / 11:39

"Açıq Məlumat Bazasına cəmi bir neçə qurum məlumatlarını yerləşdirib. Son zamanlar çoxları şikayətlənir ki, analitik yazılar və təhlillər, faydalı infoqrafikalar, istifadə üçün rahat resurslar hədsiz azdır. Düşünürəm ki, bu, həmdə dövlət qurumlarına məxsus olan məlumat bazalarının yoxluğu ilə bağlıdır. Uzun müddətdir ki bizdə bu problem həllini tapa bilmir. Təsəsvvür edin ki, indiki zamanda, dövlətimzin Açıq Hökumət təşəbbüslərinə qoşulmasından xeyli müddət keçməsinə, dövlət qurumlarının imkanlarının xeyli genişlənməsinə baxmayaraq cəmi 4-5 dövlət qurumu cüzi bir məlumatları ölkənin Açıq Məlumat Portalına - OpenData.az resursuna yerləşdirib. Resurs da xelyli müddətdir ümumiyyətlə inkişaf etdirilmir. Əslində, belə faydalı bir resursa dövlət qurumları məlumat bazalarını inteqrasiya etdirmirlərsə bu resursu inkişaf etdirməyin də bir mənası görünmür"

Xeberler.az  məlumat verir ki, bu sözləri Azərbaycan İnternet Forumunun prezidenti, İKT sahəsi üzrə ekspert Osman Gündüz bildirib. Ekspert bundan başqa  açıq məlumat bazalarının hazırlanmasının məcburi olması və bu sahəyə resurslar ayrılması çox faydalı olacağını qeyd edib:

"Birmənalı deyil. Çünki qanunvericilikdə açıq məlumat bazalarının məcburi olaraq hazırlanması və portala inteqrsiyası ilə bağlı konkret müddəalar yoxdur. Və büdcə resursları da nəzərdə tutulmayıb. Bir neçə dəfə VXSİ Dövlət Agentliyi yanında İctimai Şura olaraq , həmçinin də Açıq Hökumət Platformasında Açıq Məlumat bazaları ilə bağlı qanun layihəsinin hazırlanması üçün təkliflər versək də də hələlik bu iş reallaşmayıb.

Eyni zamanda ötən ilin mart ayında Prezidentin rəqəmsal hökumətə keçidlə bağlı fərmanında eGov-la bağlı səlahiyyətlər ASAN-a verilsə də Açıq Məlumatlarla bağlı məsələ elə “açıq” qaldı. NRYTN düşündü ki, Prezident fərmanında OpenData-nın da ASAN-a verilməsi haqqında konkret müddəa yoxdur. Və bununla da bu resursu özündə saxlamağına baxmayaraq inkişaf etdirmədi Görünür ki, büdcədən resurslar ayrılamsını gözləyirlər. Fikrimcə Açıq Məlumat Bazalarının mahiyyətcə eGov-la birgə aparılması doğru olardı. Son zamanlar eGovla bağlı işlərin xeyli canlandığı müşahidə olunur və düşünürəm ki bu konteksdə OpenData da xeyli inkişaf edə bilərdi. Odur ki, OpenData.az-ın gələcək inkişafı və tabeçiliyi ilə bağlı problemin öz həllini tapması, VXSİ Dövlət Agentliyinin və NRYTN-nin dil tapması ümumi işlərin xeyrinə olardı. Eyni zamanda adı çəkilən qanun layihəsinin hazırlanması və dövlət qurumlarında açıq məlumat bazalarının hazırlanmasının məcburi olması və bu sahəyə resurslar ayrılması çox faydalı olardı"


ŞƏRHLƏR






sorğu
İT mütəxəssislər iş yerlərini hansı meyarlar əsasında seçir ?
  • Şirkətin yüksək statusuna görə
  • İşin, layihənin xarakterinə görə
  • Əmək müqaviləsinin olmasına görə
  • Yüksək əmək haqqına, mükafatlara və digər güzəştlərə görə
  • Gələcək karyerası üçün əhəmiyyət kəsb etdiyinə görə
  • Maraqlı, işgüzar kollektivə görə