Ekspert: Elektron sənəd dövriyyəsi inkişaf edir, oflayn xərclər çoxalır

27-08-2019 / 17:11

Xeberler.az bildirir ki, son zamanlar ölkədə elektron hökumət quruculuğuna və bütün sahələrdə rəqəmsallaşmaya üstünlük verilir. Bununla bağlı ötən ilin mart ayında Prezident tərəfindən müvafiq fərman da qəbul edilib. Dövlət sektorunda elektron sənədləşmə, dövlət qurumları arasında elektron sənəd dövriyyəsi də xeyli inkişaf edib. 

Buradan nəticə çıxarmaq olar ki, dövlət sektorunda oflayn işlərə, dəftərxana və mətbəə işlərinə çəkilən xərclər azalmalıdır. Eyni zamanda insanların dövlət qurumlarına birbaşa müraciətləri və gözləmələri də azalmalıdır.

Məsələyə Azərbaycan İnternet Formunun Prezidenti, ekspert Osman Gündüz münasibət bildirib:

"Qısa bir araşdırma aparsaq görərik ki, eTender portalında əksinə, oflayn xərclər daha da artmaqdadır. Adicə dəftərxana, mətbəə adı altında büdcədən hər il toplam yüz minlərlə , milyonlarla manat vəsaitlər xərclənir.

Bir yandan rəqəmsallaşma , elektronlaşma üçün xərclər ayrılır və buna paralel də oflayn proseslər üçün xərclər azalmır. Xüsusilə də, səhiyyə, mədəniyyət sektorunda bu daha çox diqqət çəkir.

Yeri gəlmişkən, elektronlaşma həm də, poliklinikalarda, səhiyyə müəssisələrində əhalinin gözləmə məsələsinə də təsir etməliydi. Amma hələlik nəticə yetərli deyil, nə zaman getsən yüzlərlə insanlar hansısa xidmət əldə etmək, qəbula yazılmaq üçün, güzəştli-pulsuz dərman əldə etmək üçün, analiz cavabı almaq üçün gözləyirlər.
Həkim qəbuluna yazılmaq üçün, laborator nəticələr əldə etmək üçün elektron servislər yetərli deyil, bu sahədə mobil tətbiqlər çox zəif inkişaf edib.

Yaxşı olar ki, eGov Mərkəzi bu sahəyə diqqəti artırsın. Kifayət qədər əhəmiyyətli bir resurs olan MyGov Platformasında hələlik fərdi tibbi məlumatlar tapmaq mümkün deyil. myGov-da ümumiyyətlə Səhiyyə Nazirliyi ilə əlaqəli bölmə nəzərdə tutulmayıb. Nazirliyin də güman ki heç bundan xəbəri belə yoxdur. Nazirliyin özündə elektronlaşma, informasiya bazalarının eGov-a inteqrasiyası sahəsində işlər yaxşı deyil.

Səhiyyə Nazirliyinin qeydiyyatında olan, məhdud sayda, pulsuz dərmanla təmin olunan vətəndaşlar var. İndiyədək heç bu insanlar üçün adi bir SMS məlumatlandırma, elektron növbəlilik, dərmanların normal əldə olunması üçün bir sistem formalaşdıra bilməyiblər. Hər dəfə adlar qeyd olunan saralmış jurnallar, regionlardan gələn xəstə insanların uzun-uzadı növbələri , tez-tez dəyişilməsi tələb olunan kağz etibarnamələr və s. Hələlik Nazirlikdə bu xidmətin əldə ounması ilə bağlı situasiya bu formadadır".


ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.