E-xidmətlərdən istifadə artıb

29-04-2015 / 12:29

2014-cü ildə “Elektron hökumət” portalı tərəfindən təqdim edilən e-xidmətlərdən istifadə sayına görə Əmək və Əhalinin Sosial Müdafiəsi Nazirliyi (ƏƏSMN) birinci yeri tutub.

Xəbərlər-in verdiyi məlumata görə, bunu “Əməyin mühafizəsində önləyici tədbirlər mədəniyyətini birgə yüksəldək” mövzusunda Bakıda keçirilən konfransda əmək və əhalinin sosial müdafiəsi naziri Səlim Müslümov çıxışı zamanı deyib.

Nazir bildirib ki, Azərbaycanda “Əmək müqaviləsi bildirişlərinin qeydiyyata alınması və bu barədə işəgötürənə məlumatın verilməsi” və “Əmək müqaviləsi bildirişləri barədə məlumatların işçilər tərəfindən əldə edilməsi” elektron xidmətlərdən əhali daha çox yararlanır. Bu e-xidmətlər hazırda ən yüksək istifadəçi sayı ilə seçilir. Ümumilikdə isə ƏƏSMN-in təqdim etdiyi elektron xidmətlər üzrə 2,5 milyon dəfə istifadə qeydə alınıb.

S.Müslümov qeyd edib ki, Əmək Məcəlləsinin 223-cü maddəsində əməyin mühafizəsi xidmətlərinin yaradılmasına, yenidən təşkil edilməsinə və ləğv edilməsinə, əməyin mühafizəsi üzrə vəzifələrin təsis edilməsinə dair işəgötürənlərin öhdəlikləri, əməyin mühafizəsi üzrə mütəxəssislərin hüquq və vəzifələri müəyyən edilib. Bu maddənin birinci hissəsinin tələbinin icrasını təmin etmək məqsədilə “İnzibati Xətalar Məcəlləsində dəyişikliklər edilməsi barədə” qanun layihəsi də hazırlanıb. Layihədə Əmək Məcəllənin 56-cı maddəsinin yeni redaksiyada verilməsi təklif olunur. Təklif olunan dəyişikliklərə əsasən işçilərin sayı əlli nəfərdən çox olduqda işəgötürən tərəfindən əməyin mühafizəsi xidmətinin yaradılmamasına görə işəgötürənlərin vəzifəli şəxslərinə böyük məbləğdə cərimə nəzərdə tutulur.

Xeberler.az


ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.