"Bu il, avqustun 4-də Bakıda ciddi bir beynəlxalq tədbir keçiriləcək. Dünyanın ən yaxşı 5 elm olimpiadalarının biri hesab olunan və 31-ci dəfə keçirilən Beynəlxalq İnformatika Olimpiadası bu dəfə Bakıda olacaq. Bir həftə davam edən tədbirə 90-dan çox ölkənin 500-dək məktəblisi qatılacaq. Ötən il Olimpiada Yaponiyada keçirilib. Bizim üçün həm də ona görə əhəmiyyətlidir ki, təxminən 7-8 il olar ki biz bu olimpiadalardan əliboş, medalsız qaydırıq. 1994-cü ildən bu olimpiadaya qoşulan ölkəmiz indiyədək biri gümüş, dördü bürünc olmaqla cəmi beş medal qazana bilib"
Xeberler.az məlumat verir ki, bu sözləri Azərbaycan İnternet Forumunun prezidenti, İKT sahəsi üzrə ekspert Osman Gündüz bildirib. Ekspert bu istiqamətdə ciddi hazırlıqlar aparıldığını vurğulayıb:
"Bu dəfə hökumət hazırlıq proseslərnə daha geniş resurslara sahib olan ADA Universitetini cəlb edib. Ciddi hazırlıqlar gedir. Bildiyim qədər, bizim uşaqları hazırlaşdırmaq üçün hətta xaricdən, ABŞ, İran və Avropa ölkələrindən mütəxəssislər cəlb edilib. Belə görünür ki hökumətimiz bizim uşaqların bu dəfə medal əldə etməsində iddialıdır. Amma İnformatika Olimpiadasının da tarixi göstərir ki, adətən bu sahədə həqiqi məktəb yaradan, İnformatikaya bütün təhsil mərhələlrində ciddi önəm verən ölkələr üstünlük qazanırlar"
Osman Gündüz bu sahədə müəyyən dönüş yarandığını da qeyd edib:
"Bir müddət bizdə İnformatikaya qarşı ögeylik müşahidə olunsa da son zamanlar bu sahədə müəyyən dönüş yarandığı da müşahidə olunur. Xüsusi hazırlıq məktəbləri təşkil olunub. Bakı Mühəndislik Universiteti də bu sahədə müəyyən işlər görür. Amma DİM və TN-nin birgə həll etməli olduğu “İnformatika yoxsa Kimya” problemi indiyədək də həllini tapmayıb. Ümid edək , bəlkə bu Olimpiada bizə düşərli olacaq və bizdə də İT və Kompüter ixtisası seçənlər Kimyadan deyil, İnformatikadan qəbul imtahanı verəcəklər. Beynəlxalq İnformatika Olimpiadası Milli Gimnastika Arenasında təşkil olunacaq"
Televiziyaların reytinqini kim ölçür, necə ölçür və nəticələr ağlabatan olacaqmı?
Nazirlik inkubasiya mərkəzlərini niyə topladı? –Şərh
Windows 10-u necə sürətləndirmək olar?
Bizi idarə edən güc: Netokratiya
Tor: şəbəkənin nəzarətindən azad olmaq imkanı
Facebook müəmması
4G mobil texnologiyası niyə ləngiyir?
Rəqəmli yayım: mərkəzdən kənarda yaşayanlar nə etsin?
“Asan imzanı belə gördüm”- Azər Həsrət
Satışa çıxarılmış Azərbaycan adları