Ekspert: "İnformatika yoxsa Kimya" problemi növbəti imtahanadək həll edilməlidir

19-01-2021 / 11:18
Texnoloji ixtisaslara qəbul imtahanı : İnformatika yoxsa Kimya ?
 
"Təhsil Nazirliyinin bu həftə gözlənilən brifinqi ilə əlaqədar daha bir təhsil problemini xatırlatmaq istərdim. Uzun illərdi ki, orta məktəbi başa vurub ali məktəblərdə informasiya texnologiyaları ixtisaslarına yiyələnmək istəyənlər İnformatika əvəzinə Kimyadan qəbul imtahanı verirlər".
 
Xeberler.az bildirir ki, bu sözləri Azərbaycan İnternet Formunun Prezidenti, ekspert Osman Gündüz deyib.
 
Ekspertin sözlərinə görə, Təhsil Nazirliyi deyir ki, İnformatika 1-ci sinifdən tədris olunur və İnformatikadan imtahan salmamaq DİM-in problemidir, DİM gərək İnformatikadan imtahan götürsün ki, məktəblərdə informatikaya diqqət artsın.
DİM isə deyir ki, bu, Təhsil Nazirliyinin problemidir. Təhsil Nazirliyi İnformatikanın tədrisini yaxşılaşdırsın ki, DİM bu fəndən qəbul imtahanı sala bilsin. Əks halda hamı kəsiləcək. DİM-in hesabatlarından görsənir ki, məktəblərdə İnformatikanın tədrisi vəziyyəti zəifdi.
 
"İki dövlət qurumunun ortaq məxrəcə gələ bilməməsi uzun illərdi ki, ciddi problemlər yaradıb. Bu problem ölkədə İT istiqamətində uşaqların inkişafını əngəlləməklə bərabər, ölkədə informasiya cəmiyyətinin də formalaşmasına mənfi təsir edir.
 
İnformatikadan imtahan olmadığından uşaqlar, məktəblər və valideynlər bu fənnə zəif diqqət yetirir və bu fənnin tədrisinə investisiyalar və zaman ayrılmır.
Düşünürəm ki, Təhsil Nazirliyi və DİM növbəti qəbul imtahanlarında "İnformatika yoxsa Kimya" problemini həll etməlidir.
 
DİM artıq ötən həftə uzun illər davan edən bu problemə az da olsa diqqət yetirib, İnformatikanın əhəmiyyətini xüsusi vurğulayıb. Fikrimcə, İT ixtisaslar seçən abituriyentlər üçün ilkin mərhələdə riyaziyyat imtahanın suallarının bir hissəsinin İnformatikadan daxil edilməsi məqbul hesab oluna bilər.
 
Növbəti ildən isə artıq Kimya əvəzinə İnformatikadan imtahan daxil edilməsi doğru addım olardı".

ŞƏRHLƏR






sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.