RƏQƏMSAL DÜNYA

Bu gün də “Teknofest” bütün istiqamətlər üzrə, avia şou, hərbi texnologiyalar, startaplar, dronlar, müxtəlif innovasiyalar, robotlar, smart texnologiyalar , rəqəmsal həllər üzrə möhtəşəmliyini qoruyub saxlayırdı.

Xeberler.az bildirir ki, bu barədə Azərbaycan İnternet Forumunun Prezidenti, ekspert Osman Gündüz öz “Facebook” səhifəsində paylaşım edib.

Maraqlı məqam odur ki, istər avia şou olsun , istər startap və İT layihələrin yarışması, istərsə də müxtəlif yönümlü stendlərin təqdimatları və əyləncə yönümlü sektorlar, bunların hamısında çoxsaylı ziyarətçilər, maraqlananlar vardı.

Ziyarətçilərin çoxluğunun da gənclər və yeniyetmələr olması diqqəti cəlb edirdi.

Bu gün mənə elə gəldi ki, festivala dünənkindən qat-qat çox insan axını vardı .

Bir tərəfdə avia şoular, stendlər və pavilyonların təqdimatları, digər tərəfdə isə startap yarışması davam edirdi.

Nazir Rəşad Nəbiyev festival çərçivəsində keçirilən “Take Off” startap yarışmasında çıxış edərək maraqlı mesajlar verdi.

Yeri gəlmişkən, startapçılarımızın təqdimatlarından görmək olardı ki, ekosistemdə müsbət istiqamətdə xeyli irəliləyişlər var.

Ümid edək ,Teknofestin gətirdiyi yeni nəfəs ekosistemin inkişafına təkan verəcək və sektordakı problemlərimizin həllini daha da sürətləndirəcək . Bu platformanı qorumaq və inkişaf etdirmək olduqca vacibdir.

Düşünürəm ki, Teknofest texnologiyaların gənclər arasında təbliği, bu sahələrdə sahibkarlığın təşviq edilməsi, yeniyetmə və gənclərin bilik və bacarıqlarının üzə çıxarılması, eləcə də milli texnologiyaların geniş ictimaiyyətə təqdim olunması baxımından müstəsna əhəmiyyət kəsb edir.

Yeri gəlmişkən, Teknofest bir daha göstərdi ki, Rəqəmsal İnkişaf və Nəqliyyat Nazirliyinin son iki il müddətində , mənim də tez-tez tənqid etdiyim, məramı məqsədi və auditoriyası reyri-müəyyən olan BakuTel-dən imtinası da doğru yanaşma olub.