Elektron hökumət üzrə iki günlük kurs başladı

17-03-2015 / 14:26

Rabitə və Yüksək Texnologiyalar Nazirliyinin Məlumat Hesablama Mərkəzi  jurnalistlər, bloggerlər və İKT ilə maraqlanan tələbələr üçün "Elektron hökumət" üzrə ikigünlük ixtisasartırma kurslarına başlayıb.

Kursun məqsədi elektron hökumət quruculuğu, elektron imza, elektron sənəd və informasiya cəmiyyəti barədə yazan jurnalistlərin peşəkarlığının artırılmasına köməklik göstərmək və bu sahə üzrə maarifləndirmə işlərinə təkan verməkdir. Kurslar Məlumat Hesablama Mərkəzinin mütəxəssisləri, həmçinin İKT sahəsində tanınmış ekspertlər tərəfindən keçirilir.

Xəbərlərin məlumatına görə, kursların ilk günü Elektron hökumətin hüquqi əsasları, inkişaf mərhələləri, gələcək perspektivlər, Elektron hökumətin infrastrukturu, portalın təqdim etdiyi elektron xidmətlər, Dövlət Reyestrləri, açıq məlumatlar və sair mövzular haqqında iştirakçılara ətraflı məlumat verilib.

İkinci gün Elektron hökumətin informasiya və şəbəkə təhlükəsizliyi, fərdi məlumatların mühafizəsi, kiber-cinayətkarlığa qarşı mübarizə, elektron imza və yeni nəsil şəxsiyyət vəsiqələrinin mahiyyəti, əhəmiyyəti və sair mövzular üzrə iştirakçılara geniş informasiya veriləcək.

Kursun sonunda iştirakçılara elektron imza kartları və xüsusi sertifikat təqdim olunacaq.

Sevinc Çəltikova
                                                                                           


ŞƏRHLƏR






sorğu
İT mütəxəssislər iş yerlərini hansı meyarlar əsasında seçir ?
  • Şirkətin yüksək statusuna görə
  • İşin, layihənin xarakterinə görə
  • Əmək müqaviləsinin olmasına görə
  • Yüksək əmək haqqına, mükafatlara və digər güzəştlərə görə
  • Gələcək karyerası üçün əhəmiyyət kəsb etdiyinə görə
  • Maraqlı, işgüzar kollektivə görə