"İkinci Qarabağ savaşından məğlub çıxan, kapitulyasiyaya imza atan Ermənistan ABŞ-la strateji anlaşma əldə edib".
Xeberler.az bildirir ki, bu sözləri Azərbaycan İnternet Formunun Prezidenti, ekspert Osman Gündüz deyib.
Ekspert bildirib ki, Ermənistan Avropa İttifaqına daxil olmağa start verməyinin ardınca daha bir müttəfiqlik əldə edib:
"Ötən gün Ermənistan və ABŞ arasında ikitərəfli münasibətlərin möhkəmləndirilməsi, strateji tərəfdaşlıq haqqında Xartiyanı imzalayıblar.
Düşünürəm ki, müharibədən məğlub çıxan Ermınistanın qısa bir zamanda ABŞ kimi bir ölkə ilə strateji tərəfdaşlığa imza atması ağlasığmazdır. Görünür ki erməni lobbisi yenə öz sözünü deyir.
Yəni görünən odur ki Ermənistan tam sürətlə Rusiyadan qırılmaq, Avropa və ABŞ-yə inteqrasiya yolunu tutub. Və artıq bunun real nəticələri var".
Osman Gündüzün sözlərinə görə, indi Ermənistan sərhədlərini NATO hərbçiləri qoruyacaq:
"Sərhədlərində monitorinqi Avropalılar aparır. Onların da arxasında Rusiyanın hərbi bazası var.
ABŞ və NATO -nun Ermənistana texnologiyalar, hərbi, kəşfiyyat və peyk texnologiyaları sahəsində dəstəyi regionda vəziyyəti kəskin dəyişə bilər.
Bu artıq Hindistanın hansısa köhnəlmiş hərbi resursları deyil.
Fikrimcə texnologiyalar sahəsinda, hərbi-texniki və peyk texnologiyaları sahəsində milli maraqlarımız üçün tam yeni təhdidlər yaranacaq.
Bu, təkcə hərbi sahədə deyil. MDB- də heç kimin NVİDİA həndəvərinə düşə bilmədiyi bir zamanda Ermənistan ikinci superkompüter mərkəzi açmağa hazırlaşır. Strateji tərəfdaşlıq güman ki Ermənistanın start vəziyyətini hədsiz gücləndirəcək".
Ekspert bildirib ki, əgər Ermənistan hərbi-texnoloji sahədə ABŞ resurslarından da real istifadə imkanı əldə etsə regionda böyük risklər qaçılmaz olacaq:
"Şübhəsiz ki yeni imkanlar, texnologiyalar, hərbi-texniki resurslar əldə edən Ermənistanın revanş götürmək istəyi artacaq.
"Düşünürəm ki Azərbaycan Ermənistanın başladığı bu yeni strateji xəttlə bağlı səfərbər olmalıdır.
Ermənistanın daha da güclənməsindən, bu anlaşmalar işə düşməzdən öncə
addımlar atılmalıdır.
Avropa ilə, qərblə problemləri tez bir zamanda həll etmək lazımdır. Yeni yaranmış situasiyaya uyğun çevik addımlar atılmalıdır".
