“Fərqli imtahan modellərinin tətbiqi yaxşı təcrübədir”

22-01-2018 / 17:38

“Qiymətləndirmənin şəffaflığı, obyektivliyi təhsilin keyfiyyətini şərtləndirən başlıca amillərdən biridir. Bu gün imtahanların gedişini izlədik. Universitetlərin imtahanların təşkili ilə bağlı bu cür mediaturlar təşkil etməsi təqdirəlayiqdir və yalnız təhsilin inkişafına fayda verə bilər”.

Xeberler.az bildirir ki, bu sözləri Qərbi Kaspi Universitetində imtahan sessiyasının gedişini müşahidə etmək məqsədi ilə təşkil olunan mediaturdan sonra jurnalistlərə açıqlamasında AMEA-nın İctimaiyyətlə əlaqələr şöbəsinin müdiri Səbuhi Qəhrəmanov söyləyib.

S.Qəhrəmanov imtahanların yüksək standartlara uyğun təşkil olunduğunu vurğulayaraq bildirib ki, fərqli imtahan modellərinin tətbiqi yaxşı təcrübədir:

“Məsələn, bizə “Keys həlli” modeli barədə məlumat verildi. Bu model tələbəni əzbərçilikdən xilas edir, onda məntiqi düşünmə və təhliletmə, problemi həlletmə bacarığı formalaşdırır. Gələcək iş həyatında da məhz bu keyfiyyətlər ona lazım olacaq”.

Xeberler.az

 


ŞƏRHLƏR






sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.