İnformatikadan ilk qəbul imtahanına hazırlıq necədir?

12-01-2022 / 16:53
Nəhayət ki, uzun zaman davam edən ictimai müzakirələrdən, müraciətlərdən sonra
Dövlət İmtahan Mərkəzi 2023-cü ildə qəbul planında dəyişikliklər edəcək.
 
Belə ki, Kompüter və İT ixtisasını seçən abituriyentlər Kimya fənni yox İnformatika fənni üzrə imtahan verəcəklər.
 
Bununla bağlı Dövlət İmtahan Mərkəzində informatika fənni üzrə işçi qrupunun iclası keçirilib.
 
Qeyd edək ki, bu ixtisası seçənlər kimya fənnindən imtahan verirdi.
 
Xeberler.az bildirir ki, məsələyə Azərbaycan İnternet Formunun Prezidenti, ekspert Osman Gündüz münasibət bildirib.
 
Osman Gündüzün sözlərinə görə, qərar çox gec qəbul edilsə də, çox doğru və əhəmiyyətli bir məsələdir.
 
"Ölkənin gələcək rəqəmsal mühitinə və transformasiya prosesinə, İT kadrların hazırlanmasına, rəqəmsal savadlılığın inkişafına bu qərar çox ciddi təsir edəcək. Ali məktəblərə qəbul olanların rəqəmsal səviyyəsi xeyli artacaq".
 
Qeyd edək ki, Artıq DİM qərarın icrası istiqamətində hazırlıqlara başlayıb, işçi qrup formalaşdırıb. İnformatika fənni üzrə kurikulumun təlim nəticələrinin tələblərinə uyğun qəbul proqramı hazırlanıb.
 
Ekspertin sözlərinə görə, proqramda prinsipal məqam ondan ibarətdir ki, mövzular Təhsil Nazirliyi tərəfindən informatika istiqamətində gerçəkləşdirilən müxtəlif layihələr əsasında deyil, doğru olaraq V-XI sinif dərsliklərində məzmun standartlarının reallaşdırılması üçün verilən mövzular əsasında hazırlanıb.
 
"Artıq 2023-cü ildə informatika fənni üzrə imtahan vermək istəyən abituriyentlər, müəllimlər, maraqlı tərəflər bu proqram əsasında imtahana elə indidən hazırlaşa bilərlər".
 
Osman Gündüz bildirib ki, İmtahan modeli yuxarıda adı çəkilən proqrama uyğun hazırlanıb.
 
"Modeldə alqoritimləşdirmə, proqramlaşdırma və məntiqi düşünməyə əsaslanan tapşırıqların say nisbəti növbəti mərhələlərdə keçiriləcək sınaq imtahanların nəticəsi əsasında müəyyən olunacaq.
 
Düşünürəm ki, bütün maraqlı tərəflər, DİM, Təhsil Nazirliyi, məktəblər, şagirdlər, valideynlər və kurslar informatikadan imtahan hazırlığına ciddi hazırlaşmalıdır".
 
Son olaraq ekspertin sözlərinə görə, İnformatikanın tədrisinin yaxşılaşması, müəllimlərin və şagirdlərin hazırlığının yüksəldilməsi üçün Təhsil Nazirliyi, məktəblər və valideynlər bu sahəyə resurslar ayırmalıdır. Təmayülləşmə inkişaf etdirilməlidir. Sınaq imtahanların sayı artırılmalıdır.
 
"Artıq sosial mediadan da görsənir ki, valideynlər daha hazırlıqlı informatika müəllimlərinin axtarışına başlayıblar.
 
Mövcud hazırlıq kursları, repetitorlar da bu məsələni gündəmdə saxlamalı, informatikadan hazırlıqlara başlamaq üçün zəruri olan addımlar atılmalıdır".

ŞƏRHLƏR






sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.