TƏDBİRLƏR

Məlumat verdiyimiz kimi, Budapeştdə (Macarıstan) Birləşmiş Millətlər Təşkilatının (BMT) informasiya-kommunikasiya texnologiyaları (İKT) sahəsində fəaliyyət göstərən xüsusiləşmiş təsisatı - Beynəlxalq Telekommunikasiya İttifaqının (BTİ) təşkilatçılığı ilə "ITU Telecom World 2015” sərgisi davam edir.

Artıq sərginin 3-cü günüdür.

Xeberler.az  məlumat verir ki, rabitə və yüksək texnologiyalar naziri müavini Elmir Vəlizadənin başçılığı ilə Azərbaycan heyəti və Macarıstan dövlət naziri, digər macarıstanlı rəsmilərlə  ayrıca görüş baş tutub.

Görüşdə  iki ölkə arasında  əlaqələrin  möhkəmləndirilməsi istiqamətində danışıqlar aparılıb. Gələcəkdə həyata keçiriləcək ikitərəfli konkret İKT layihələri müzakirə olunub.

Neuron Technologies şirkətinin  direktoru İsmayıl Ələkbərov şirkət haqda macar rəsmilərinə qısa məlumat verib, həyata keçirilən işlərdən danışıb.

Macar rəsmiləri Neuron Technologies şirkətinin təhsil, səhiyyə, kənd təsərrüfatı ilə bağlı innovativ layihələrini yüksək qiymətləndiirb və şirkətlə  əməkdaşlıqa maraqlı olduqlarını bildiriblər.

Neuron Technologies şirkətinin  hazırladığı video isə sərgidə böyük maraqla qarşılanıb.  Belə ki, videoda  Azərbaycanın son yüz ildə dünyanı nefti ilə təəccübləndirməsi və növbəti yüz ildə isə innovasiyalar və yeni texnologiyalarla təəccübləndirəcəyi bildirilir. Videoda Neuron Technologies - gələcəyə yüksək texnologiyalarla getdiyini göstərir.

Bu video çarx son bir neçə gün ərzində Budapeştdə keçirilən Dünya Telekommunikasiya sərgisində bütün ziyarətçilərin bəyənisini qazanıb.

Qeyd edək ki, beynəlxalq tədbirdə Azərbaycan rabitə və yüksək texnologiyalar nazirinin rəhbərlik etdiyi geniş tərkibli nümayəndə heyəti ilə təmsil olunur.  

Məltəm Talıbzadə