QANUNVERİCİLİK

Məlumat verdiyimiz kimi, bir müddət öncə Neuron Technologies şirkətinin rəhbəri İsmayıl Ələkbərov prezident İlham Əliyevə müraciət ünvanladı.

Müraciət məktubunda ölkəmizdə sahibkarlara bəzən bir sıra dövlət qurumlarının təmsilçilərinin bürokratik əngəllər yaratdığı qeyd edilmişdi. Belə ki, bu tenderdə Neuron Technologies şirkətinin iştirakına icazə verilməmişdi.

İT şirkət rəhbəri də prezidentə ünvanladığı məktubunda Mədəniyyət və Turizm Nazirliyi tərəfindən “Kompüter proqramlarının alınması və yazılması” ilə bağlı keçirilən tenderdə mövcud qanunvericiliyinin ciddi şəkildə pozulması ilə rastlaşdıqlarını bildirmişdi.

Şirkət rəhbərinin bu müraciətindən sonra Mədəniyyət və Turizm Nazirliyinin elan etdiyi tenderi ləğv edilib.

Bu barədə Xeberler.az -a İsmayıl Ələkbərov məlumat verib.

O qeyd edib ki,  bu məsələyə ciddi reaksiyası, çəkinmədən birbaşa cənab Prezidentə müraciəti sayəsində ləğv olunub:

“Neuron Technologies şirkətinin bütün kollektivini təbrik edirəm və ölkə başçımıza dərin təşəkkürümü bildirirəm. Məsələ ilə bağlı demək olar ki, hamı, o cümlədən rəsmi qurumlar bizi alqışlamışdı. Sevinirik ki, ortaya sarsılmaz iradə qoya bildik və tenderin ləğvİnə nail olduq. Amma işlər bununla bitmir. Yaxın zamanda qanun pozuntusunda əli olan məmurlar məhkəmə qarşısında cavab verməli olacaqlar. Satınalmalar haqda Dövlət Qanunu, AR Cinayət Məcəlləsi, Korrupsiya haqda Qanun və digər qanunvericiliyin tələbləri ciddi surətdə pozulub. Sadəcə olaraq tenderin ləğv edilməsi məsələni tam həll etmir. Biz çalışacağıq ki, bu dövlət satınalmasında baş vermiş qanun pozuntularına görə aidiyyatı məmurlar qanun qarşısında cavab versinlər. İnanıram ki, buna da nail olacağıq və nəticələri mütləq ictimaiyyətlə bölüşəcəyik”.

Məltəm Talıbzadə