Azərbaycan İT şirkəti beynəlxalq tenderin qalibi olub

30-06-2017 / 17:19

Azərbaycanın aparıcı İT şirkətlərindən biri olan Neuron Technologies Dünya Bankı tərəfindən maliyyələşdirilən beynəlxalq tenderin qalibi olub. 

Bu barədə Xeberler.az-a şirkətdən məlumat verilib.

Şirkət Dünya Bankının "Mərkəzi Asiyada hidrometeoroloji xidmətlərin modernləşdirilməsi" layihəsi çərçivəsində Qırğızıstan Respublikası Fövqəladə Hallar Nazirliyi yanında Hidrometeorologiya Agentliyi tərəfindən keçirilən “Müasir veb resurslar və texnologiyalar vasitəsilə informasiyanın təqdim edilməsi və hidrometeoroloji xidmət proseslərinin avtomatlaşdırılması sisteminin yaradılması” layihəsinin icrasını həyata keçirəcək. 

Layihənin icrası bir il ərzində həyata keçiriləcək və növbəti 5 il ərzində Neuron Technologies şirkəti texniki dəstək xidmətlərini təmin edəcək.

Layihə çərçivəsində texniki avadanlıqların təchizi və quraşdırılması, müvafiq proqram təminatının işlənib hazırlanması, Qırğız Hidrometin korporativ veb portalının müvafiq hidrometeoroloji sistemlərlə inteqrasiyası işlərinin yerinə yetirilməsi nəzərdə tutulub.

Dünya Bankı və Qırğızıstan Hidrometeorologiya Agentliyi tərəfindən birgə qiymətləndirilən bu beynəlxalq rəqabətli prosesdə Neuron Technologies şirkətinin təqdim etdiyi tender təklifi digər iddiaçı şirkətlər arasında texniki cəhətdən ən mükəmməl və kommersiya cəhətdən ən münasib olaraq seçilib.

Məlumata görə, şirkətin rəhbəri İsmayıl Ələkbərovun başçılıq etdiyi nümayəndə heyəti cari ilin 11 iyul tarixində Qırğızıstan Respublikası Fövqəladə Hallar Nazirliyi yanında Hidrometeorologiya Agentliyi ilə müqavilənin imzalanması və layihənin icrası prosesinə start verilməsi üçün Bişkek şəhərinə səfər edəcək.

Qeyd edək ki, Neuron Technologies şirkəti proqram təminatı həllərinin işlənib-hazırlanması, sistem inteqrasiyalarının tətbiqi, informasiya-kommunikasiya texnologiyaları infrastrukturunun qurulması üzrə ixtisaslaşıbş

Şirkət iAzərbaycanda və bir sıra xarici ölkələrdə informasiya idarəetmə sistemlərinin, proqram təminatı həllərinin tətbiqi üzrə uğurlu layihələr həyata keçirib. Şirkətin “Made in Azerbaijan” brendi altında xarici ölkələrə ixracının miqyası genişlənməkdədir və Şərqi Avropa, MDB və Mərkəzi Asiya, Yaxın Şərq və Afrika regionları əsas ixrac istiqamətləri olaraq müəyyən edilib.

Xeberler.az


ŞƏRHLƏR






sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.