Göygölün kəndlərinə sürətli internet çəkilişi davam edir

17-09-2015 / 11:19

Məlumat verdiyimiz kimi, Göygöl rayonunda rayon mərkəzindən uzaq olan ərazilərdə İnternet infrastrukturunun qurulması üçün bir sıra işlər həyata keçirilib.

Göygöl rayon Telekommunikasiya Qovşağının rəisi Vaqif Mirzəyev  Xeberler.az-a bildirib ki, hazırda bu istiqamətdə işlər davam edir:

“Yuxarı Aşıqlıdan Köşkü kəndinə  rabitə xətti  aparmaq üçün ( 3 kilometrlik məsafə)  ayrıca 96 nömrəli ATS  quraşdırılıb. Yuxarı Aşıqlıdan Köşküyə birbaşa optik xətt çəkilib. Hazırda bu ATS-dən evlərə internet və telefon xətləri çəkilir”.

Onun sözlərinə görə, Yeni Qırıxlı kəndində də 256 nömrəli ATS quraşdırılıb:

“Qırıxlı kəndindəki ATS köhnə idi. Kəndə yeni  yaşayış məskənləri salındı.  Hazırda evlərə İnternet çəkilişi  davam edir”.

Vaqif Mirzəyev vurğulayıb ki, əhalinin internetə  təlabatı çoxdur və hər gün  istifadəçilərin sayı artır.

Qovşaq rəisi qeyd edib ki,rayon mərkəzində də yeni ATS quraşdırılıb və bu istiqamətdə işlər davam edir.

Vaqif Mirzəyev onu da qeyd edib ki, Göygöl Milli Parkının inzibati binası Toğanalı kənd EATS-dən çəkilən telefonla və internetlə təmin edilib. “585” nömrəli  şəhər telefon abunəçilərinin sayında hər gün artım olur:

“Göygöl ərazisində GSM tipli taksofonların qurulması nəzərdə tutulur ki, bu da turistlərin və rayon sakinlərinin telefon və internet xidmətlərinə olan tələbatını tamamilə ödəyəcək”.

Məltəm Talıbzadə 


ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.