Gömrük Komitəsi İKT ilə bağlı Xorvatiya ilə əməkdaşlığa hazırlaşır

05-12-2015 / 13:47

Dövlət Gömrük Komitəsində (DGK) Xorvatiyanın Infosistem d.d. şirkəti ilə əməkdaşlığın perspektivləri müzakirə olunub.

Komitədən Xeberler.az-a bildirilib ki, Bakutel 2015 21-ci Azərbaycan Beynəlxalq Telekommunikasiya və İnformasiya Texnologiyaları sərgi-konfransının proqramına uyğun olaraq, B2B görüşlər çərçivəsində Xorvatiya Respublikasının Infosistem d.d. şirkətinin idarə heyətinin sədri Roberta Miseta və Xorvatiya Respublikasının Azərbaycan Respublikasındakı müvəqqəti işlər vəkili Refik Şabanoviçlə görüş keçirilib.

Görüşün məqsədi Infosistem d.d. tərəfindən dövlət qurumları üçün təklif olunan müxtəlif İKT həlləri barədə məlumat verilməsi və Dövlət Gömrük Komitəsi ilə şirkət arasında bu sahədə əməkdaşlıq münasibətlərinin inkişaf etdirilməsi olub.

DGK Fəaliyyətin Qiymətləndirilməsi və İnkişaf Proqramları Baş İdarəsinin rəisi, gömrük xidməti general-mayoru İqbal Babayev Infosistem d.d. şirkətinin təqdim etdiyi məhsulların Dövlət Gömrük Komitəsində böyük maraq doğurduğunu bildirib.

Görüşdə DGK tərəfindən həyata keçirilən layihələr barədə ümumi məlumat verilib, Infosistem d.d. şirkəti ilə gələcək əməkdaşlığın perspektivləri müzakirə olunub.

 

Mirvari Nəcəf


ŞƏRHLƏR






sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.