Sony ağıllı telefonların batareya problemini həll edəcək

21-12-2015 / 15:35

Ağıllı telefonların markası, modeli, istehsal tarixi və istehsal səviyyəsi  nə qədər yüksək olsa da, bu telefonlar üçün ortaq problem enerjini uzun müddət saxlamaq ilə bağlıdır.

Xeberler.az xarici mətbuata istinadən məlumat verit  ki,  Sony ağıllı telefonların ən böyük problemlərindən olan batareya tutumunu yeni inkişaf etdirdiyi bir batareya texnologiyası ilə həll etməyə hazırlaşır.

Uzun müddətdir ki, bu problemin həlli istiqamətində çalışan Sony şirkəti ağıllı telefonların sahib olduqları batareya tutumunu 40 faiz artıra biləcək bir texnologiya yaradıb.

Hazırda smartfonların əksəriyyəti "sürətli şarj" texnologiyasından istifadə edir.

Bildiyimiz kimi, bu  isə əlavə elektrik enerjisindən istifafəyə səbəb olur.

Sony şirkətinin yaratdığı və daha faydalı  olan bu yeni batareya texnologiyası telefonların çoxunda olan litium batareyalarını ehtiva etmir.

Şirkət litiumdan imtina edib və  yeni bir komponent yaradaraq  kükürd tərkibli maddəni bataryalarında istifadə etməyə qərar verib.

Sony hələ üzərində çalışdığı bu batareya texnologiyasının yeni olmasına baxmayaraq ən inkişaf etmiş litium bataryalardan 40 faiz daha çox enerji tutumuna sahib olduğunu bildirib.

Sony-nin ağıllı telefon sektoruna təqdim etdiyi bu yeni batareya texnologiyası sayəsində normalda yalnız 12 saat internet təqdim edə bilən iPhone 6S  tam 18 saat internet istifadəsinə imkan verəcək.

Məlumatlara görə, yeni texnologiyada  dəyişən yalnız  batareyanın kükürd ehtiva etməsi deyil. Həmçinin Sony bu texnologiya ilə batareyanın enerji qoruma üsulunda da kiçik dəyişikliklər edib.

Sony şirkəti bildirib ki, yeni batareya texnologiyası üzərində çox çalışmaq lazımdır. Hazırda  batareyanın təkmilləşdirilməsi istiqamətində işlər davam etdirilir.

Bu texnologiyanın 2020-ci ildə bazardakı ağıllı telefonlarda istifadə edilməsi gözlənilir.

 

Sevinc Çəltikova 


ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.