İnformatika üzrə distant formada doktorluq imtahanları keçirilib

06-07-2017 / 11:34

AMEA İnformasiya Texnologiyaları İnstitutunun Tədris-İnnovasiya Mərkəzində iyun ayının 20-dən respublika üzrə doktorant və dissertantların İnformatika fənnindən doktorluq imtahanlarına start verilib.

Xeberler.az-ın məlumatına görə, mərkəzdə bu imtahanlara hazırlıq məqsədi ilə cari ilin fevral ayından başlayaraq müxtəlif müddətli kurslar təşkil olunub.

Ölkənin regionlarında yaşayan elmi tədqiqatçıların bu kurslarda İnternet üzərindən distant formada iştirakı təmin edilib. Kurslarda tədris proqramına uyğun olaraq zəruri biliklər və praktiki bacarıqlar aşılanıb.

 Gəncə və ətraf bölgələrdə yaşayan doktorant və dissertantların İnformatika fənnindən distant formada doktorluq imtahanı keçirilib. İmtahanda 70-ə yaxın elmi tədqiqatçı iştirak edib.

İmtahan prosesinə həm institutun Distant Tədris Mərkəzində video-müşahidə sistemi vasitəsilə onlayn olaraq, həm də qurumun Gəncəyə ezam olunmuş mütəxəssisləri tərəfindən yerində nəzarət olunub.

 

Xeberler.az


ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.