Gəncədə yaşayan elmi tədqiqatçılar üçün informatika fənni üzrə doktorluq imtahanları distant formada keçirilib.
Bu gün AMEA İnformasiya Texnologiyaları İnstitutunun Distant Tədris Mərkəzi ilə AMEA Gəncə Bölməsi arasında ilk dəfə olaraq Gəncədə yaşayan elmi tədqiqatçılar üçün doktorluq imtahanlarının distant formada keçirilməsi məqsədilə canlı bağlantı yaradılıb.
AMEA-dan Xeberler.az-a verilən məlumata görə, imtahanlarda 64 doktorant və dissertant iştirak edib.
Yanvarın 29-da isə Naxçıvanda yaşayan elmi tədqiqatçılar üçün distant formada informatika fənni üzrə doktorluq imtahanlarının təşkil olunacağı qeyd edilib.
2011-ci ildən Gəncə və Naxçıvanda yaşayan doktorant və dissertantlar Tədris-İnnovasiya Mərkəzində tədris olunan dərsləri məsafədən dinləyirlər. AMEA prezidenti, akademik Akif Əlizadənin Sərəncamına əsasən, cari ildən regional ali təhsil və elmi-tədqiqat müəssisələrinin doktorant və dissertantlarının informatika fənni üzrə doktorluq imtahanları test texnologiyaları əsasında İnternet üzərindən distant formada keçirilir. İmtahan prosesinə mərkəzdə quraşdırılmış video-müşahidə sistemi vasitəsilə nəzarət edilir.
Xatırladaq ki, doktorant və dissertantlar üçün informatika fənni üzrə doktorluq imtahanları 2013-cü ilin iyun ayından başlayaraq elektron test üsulu ilə keçirilir.
Xeberler.az
Televiziyaların reytinqini kim ölçür, necə ölçür və nəticələr ağlabatan olacaqmı?
Nazirlik inkubasiya mərkəzlərini niyə topladı? –Şərh
Windows 10-u necə sürətləndirmək olar?
Bizi idarə edən güc: Netokratiya
Tor: şəbəkənin nəzarətindən azad olmaq imkanı
Facebook müəmması
4G mobil texnologiyası niyə ləngiyir?
Rəqəmli yayım: mərkəzdən kənarda yaşayanlar nə etsin?
“Asan imzanı belə gördüm”- Azər Həsrət
Azərbaycanda e-hökumətin inkişafinda yeni sosial tələbləri nəzərə alan xidmətlərin genişləndirilməsi perspektivləri