İnternet məkanında müəllif hüquqları təmin olunacaq

15-04-2011 / 16:51
AR Müəllif Hüquqları Agentliyində İnternet məkanında müəllif hüquqlarının təmini üzrə Mərkəz işə başlayacaq. Bu barədə “Trend” İA-ya agentliyin direktoru Kamran İmanov bildirib. 

K.İmanov rəqəmsal mühitdə müəllif hüquqlarını idarəetmə modelinin agentlik tərəfindən Avropanın müvafiq strukturlarının dəstəyi ilə yaradıldığını bildirib. Mərkəzin bu il istismara veriləcəyini söyləyən direktor hazırda İnternetdə materialların təxminən 95 faizinin müəllif hüquqlarına riayət olunmadan yerləşdirildiyini vurğulayıb: “Şəbəkədə və digər rəqəmsal vasitələrdə müəllif hüquqlarının pozulmasının tam qarşısını almaq mümkün deyil, lakin biz hüquq pozuntusu hallarının minimuma qədər azaldılmasına nail olmaq niyyətindəyik", - agentliyin direktoru bildirib. 

K.İmanov Azərbaycanda müəllif hüquqlarının təmin olunması üzrə qanunvericilik bazasının Ümumdünya İntellektual Mülkiyyət Təşkilatının 1996-cı ildə İnternet mühitində müəllif hüquqlarının qorunmasına dair imzaladığı müqaviləyə uyğun təkmilləşdirildiyini qeyd edib. 

ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.