İran Azərbaycana kanallar təqdim edə bilər

27-08-2015 / 13:23

İran Azərbaycana TASİM layihəsi çərçivəsində icarəyə kanallar təqdim edə bilər.

Rabitə və Yüksək Texnologiyalar Nazirliyindən Xəbərlər-ə bildiriblər ki, TASİM layihəsinin katibliyinin məlumatına əsasən, İranın rabitə və informasiya texnologiyaları naziri Mahmud Vaezi TASİM layihəsi çərçivəsində ölkəsinin Azərbaycanla əməkdaşlıq etməyə hazır olduğunu deyib.

"Hazırkı məqamda yalnız bu istiqamətdə danışıqların aparılmasına hazırlıqdan söhbət gedə bilər. Bu, heç də o demək deyil ki, İran TASİM layihəsinin tərəfdaşlarından biri olacaq. Sadəcə, İran Azərbaycana Pakistan istiqamətində trafikin ötürülməsi üçün kanallar icarəyə verə bilər. İranın TASİM layihəsinə qoşulması üçün isə layihədə iştirak edən bütün ölkələrin razılığı olmalıdır", - deyə layihənin katibliyindən bildiriblər.

Layihənin məqsədi Qərbi Avropadan Şərqi Asiyaya qədər Avrasiya ölkələrini əhatə edən transmilli fiber-optik xəttin çəkilməsidir. Layihə Almaniyanın Frankfurt şəhərindən Çinin Honkonq şəhərinədək istiqamətlənən, Çin, Qazaxıstan, Azərbaycan, Gürcüstan və Türkiyədən keçən tranzit xəttinin qurulmasını nəzərdə tutur. TASİM-in reallaşmasında Azərbaycanın Rabitə və Yüksək Texnologiyalar Nazirliyi, ChinaTelecom, Kaztranscom, Rostelecom və TurkTelekom operatorları iştirak edirlər. Bu xətt Avropanın və Asiyanın ən böyük informasiya mübadiləsi mərkəzlərini birləşdirəcək. TASİM layihəsi region boyunca 20-dən artıq ölkəni telekommunikasiya və e-info sistemləri ilə təmin edəcək.

TASİM layihəsi katibliyinin nümayəndələri Fransa şirkətlərinin layihəyə qoşulması imkanlarını və Avropa İttifaqına daxil olan ölkələrin Cənubi Qafqaz və Orta Asiya regionunda həyata keçirilən inkişaf layihələrində iştirakını müzakirə ediblər.

 

Xeberler.az


ŞƏRHLƏR






sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.