Ölkədə İKT-nin inkişafı üçün hansı işlər görülür?

29-09-2017 / 13:02

Strateji Yol Xəritəsi çərçivəsində telekommunikasiya və informasiya texnologiyalarının inkişafı ilə bağlı bir sıra tədbirlər davam etdirilir.

Nəqliyyat, Rabitə və Yüksək Texnologiyalar Nazirliyindən Xeberler.az-a bildirilib ki, artıq bəzi qısamüddətli layihələr yerinə yetirilib. “Trans-Avrasiya Super İnformasiya Magistralı” (TASİM) kimi irimiqyaslı layihələrin isə icrasına başlanılıb.

Məlumata görə, Strateji Yol Xəritəsində əsas istiqamətlərdən biri dövlət orqanları üçün bulud texnologiyalarının tətbiqidir:

“Bu məqsədlə NRYTN regionda ilk Data Mərkəzi istifadəyə verib. Layihə Azərbaycanın regionda informasiya texnologiyaları mərkəzinə çevrilməsində mühüm əhəmiyyətə malikdir. Data Mərkəzi Avropanın ən təhlükəsiz mərkəzlərindən biridir. İrimiqyaslı layihələrdən olan TASİM layihəsinin texniki əsaslandırması işlərinə də başlanılıb. Bu layihə ölkənin tranzit informasiya məkanına çevrilməsi və Azərbaycan ərazisindən keçməklə, Şərqlə Qərb arasında informasiya axınının təmin edilməsini nəzərdə tutur”.

Bildirilir ki, bu əsaslandırma bütün üzv operatorlara təqdim olunub:

“Hazırda həmin texniki-iqtisadi əsaslandırma üzrə lazım olan podratçı şirkətlərin cəlb edilməsi ilə bağlı şərtlərə baxılır. Ümumilikdə layihə kifayət qədər əhatəlidir. Hesab edirik ki, bir neçə ölkənin ərazisindən keçən bu müasir telekommunikasiya xətti həm Azərbaycanın, həm də digər dövlətlərin telekommunikasiya infrastrukturuna kifayət qədər müsbət təsir göstərəcək”.

Xeberler.az

 

 


ŞƏRHLƏR






sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.