İspaniya süni intellekt "giqafabrik"inin yaradılmasına 719 milyon avro investisiya yatırır.
Xeberler.az bildirir ki, bu barədə İspaniyanın Rəqəmsal Transformasiya Nazirliyinin mətbuat xidməti məlumat yayıb.
"Nazirlər Şurası bu gün qabaqcıl süni intellekt "giqafabrik"ini işləyib hazırlayacaq və tezliklə Avropa Komissiyasının elan edəcəyi müsabiqədə iştirak üçün müraciət edəcək dövlət-özəl konsorsiumuna 719 milyon avro məbləğində investisiya ayrılmasına icazə verib", - qurum qeyd edib.
Nazir Oskar Lopesin sözlərinə görə, bu investisiyalar İspaniya hökumətinin texnoloji suverenliyə, yenidən sənayeləşdirməyə, həmçinin etibarlı və dayanıqlı süni intellekt sahəsində liderliyə sadiqliyinin təsdiqidir.
Bu layihə sayəsində şirkətlər innovasiyaları daha sürətlə tətbiq edə və bazarda daha uğurla rəqabət apara biləcək, elm sektoru isə bahalı infrastruktura çıxış əldə edəcək. Ölkə rəsmiləri təşəbbüsün məqsədləri arasında digər məsələlərlə yanaşı, texnoloji asılılığın azaldılmasını və süni intellektin işlənib hazırlanmasının Avropa normalarına uyğun şəkildə həyata keçirilməsinə təminat verilməsini xüsusi qeyd ediblər.
























Televiziyaların reytinqini kim ölçür, necə ölçür və nəticələr ağlabatan olacaqmı?
Nazirlik inkubasiya mərkəzlərini niyə topladı? –Şərh
Windows 10-u necə sürətləndirmək olar?
Bizi idarə edən güc: Netokratiya
Tor: şəbəkənin nəzarətindən azad olmaq imkanı
Facebook müəmması
4G mobil texnologiyası niyə ləngiyir?
Rəqəmli yayım: mərkəzdən kənarda yaşayanlar nə etsin?
“Asan imzanı belə gördüm”- Azər Həsrət
Satışa çıxarılmış Azərbaycan adları