E - HÖKUMƏT

Əmlak Məsələləri Dövlət Komitəsinin İnformasiya Texnologiyaları Mərkəzi üçün yeni inzibati bina tikilərək istifadəyə verilib.

Bu barədə Xeberler.az-a Əmlak Məsələləri Dövlət Komitəsindən verilən məlumatda bildirilir.

Məlumata görə, Mərkəzin yaradılmasında məqsəd Komitənin bütün texnoloji resurslarını və informasiya sistemlərini vahid mərkəzdən kompleks və müasir tələblərə uyğun idarə etməkdir. Bu infrastruktur məkan məlumatlarının əldə edilməsi, emalı, saxlanması və istifadəsini nəzərdə tutan sistem olacaq. Həmçinin bu sahədə  fəaliyyəti yüksək səviyyədə təmin etmək üçün Şamaxı şəhərində Ehtiyat Məlumat Mərkəzi də tikilib. Mərkəzin ən böyük əhəmiyyəti müasir tələblərə uyğun Milli Məkan Məlumatları İnfrastrukturunun yaradılmasını təmin etməsidir.

Daşınmaz Əmlakın Qeydiyyatı Layihəsi çərçivəsində Bərdə, Beyləqan, Qəbələ, Xaçmaz, Lənkəranda qeydiyyat idarələri üçün müasir standartlara uyğun yeni inzibati binalar tikilib. Eyni zamanda komitənin daxili imkanlarının hesabına Gəncə və Şəki ərazi qeydiyyat idarələrinin yeni binaları tikilib istifadəyə verilib. Yeni binalarda qeydiyyat prosesinin daha çevik və operativ aparılması üçün avtomatlaşdırılmış sənəd dövriyyəsi sistemi qurulub.

Ruhəngiz Muradova