E - HÖKUMƏT

Əmlak Məsələləri Dövlət Komitəsi (ƏMDK) daşınmaz əmlakın qeydiyyatında çeviklik və müasirliyin artırılması məqsədilə bu ilin birinci yarısında 3 SMS istifadəyə verib.

Xəbərlər-in verdiyi məlumata görə, "Kiçik dövlət müəssisələrinin (obyektlərinin) əmək kollektivi üzvlərinə güzəştli satışı" və "İxtisaslaşdırılmış pul hərraclarında sifarişlərin və sənədlərin elektron qəbulu" xidmətləri təqdim olunub. Bu xidmətlər həm Elektron hökumət portalı (www.e-gov.az), həm də komitənin elektron xidmətlər portalı (www.e-emdk.gov.az) üzərindən göstərilir. Yeni elektron xidmətləri istifadəyə verməkdə məqsəd özəlləşdirmə prosesində elektron hərracların tətbiqini genişləndirməkdir.

Komitədən bildirilib ki, ƏMDK-nın fəaliyyət istiqamətləri üzrə göstərdiyi 31 e-xidmət vasitəsilə hüquqi və fiziki şəxslər tərəfindən 227 minədək e-müraciət daxil olub. Təqdim olunan e-xidmətlərdən 21-i daşınmaz əmlakın qeydiyyatı, 10-u isə dövlət əmlakının özəlləşdirilməsi, idarə edilməsi və icarəsi ilə bağlıdır. Bu xidmətlərin 27-si interaktiv, 4-ü isə informativ xidmətlərdir. Eyni zamanda, daşınmaz əmlakın qeydiyyatı sahəsində fəaliyyət göstərən mobil ofis xidmətləri vasitəsilə respublika üzrə vətəndaşlardan 45 min 500 müraciət qəbul edilib.

Qeydiyyat sahəsində komitənin sosial tədbiri olan "Kütləvi çıxarış" kampaniyası çərçivəsində 3 min 800-ə yaxın vətəndaşın mülkiyyət sənədləri dövlət reyestrindən çıxarışlarla əvəz olunub. Kampaniya bu il Gəncə, Zaqatala, Beyləqan, Şamaxı və Şəkidə keçirilib.

Xeberler.az