TƏDBİRLƏR

Qərbi Kaspi Universitetində (əvvəlki Qərb Universiteti) dünya şöhrətli Azərbaycanlı alim, qeyri-səlis çoxluqlar və qeyri -səlis məntiq nəzəriyyələrinin banisi Lütfi Zadənin xatirəsinə həsr olunmuş elmi seminar keçirilib.

Xeberler.az-ın məlumatına görə, pedaqoqika üzrə fəlsəfə doktoru, dosent Rəna Hacıyeva seminarın açılış nitqində qeyd edib ki, azərbaycanlı alim dünyanı dəyişən elmi elmi nəzəriyyə ilə bərabər həm də dünyanı dəyişən yeni elmi istiqamətin əsasını qoyub.

Qeyri-səlis məntiq nəzəriyyəsindən əlavə Lütfi Zadə 5 fundamental elmi nəzəriyyə təklif etmişdir. Hhazırda istifadə etdiyimiz ən yüksək texnoloji avadanlıqlar onun elmi nəzəriyyələri əsasında  istehsal olunur.

Daha sonra çıxış edən universitetin professoru, riyaziyyat üzrə fəlsəfə doktoru Ədalət Kərimov Lütfi Zadə haqqında xatirələrini bölüşüb.

Seminarda universitetin İnformasiya texnologiyaları və maşınlar kafedrasının müəllimi, riyaziyyat üzrə fəlsəfə doktoru Svetlana Quliyeva “Qeyri səlis məntiq nəzəriyyəsi və onun tətbiq sahələri”, Yüksək texnologiyalar və innovativ mühəndislik məktəbinin  tələbəsi Humay Nuriyeva isə “Lütfi Zadəni yetişdirən mühit” mövzularında çıxış ediblər.

Xeberler.az