MilliNet müsabiqəsinə qeydiyyat davam edir

12-10-2016 / 11:50

Məlumat verdiyimiz kimi, MilliNet 2016 başlayıb və milli internet resursların, internet layhələrin millinet.az saytında qeydiyyatı davam edir.

Təşkilat Komitəsindən Xeberler.az-a verilən məlumatına görə, bu günə qədər müsabiqəyə cəmi 44 layihə təqdim edilib.

MilliNet-in rəsmi resursundan da görünür ki,  indiyədək 32 layihə artıq qəbul edilib, 10 layihə müsabiqəyə buraxılmayıb, 2 layihə isə təsdiqdə gözləyir.

Məlumat verdiyimiz kimi, müsabiqəyə qeydiyyat prosesini nizamlamaq üçün bir neçə rejim, “gözləmədə olan”, “təqdim olunan”,  “qəbul edilən”, “qəbul edilməyənlər” var.

Təşkilat Komitəsindən verilən məlumata görə, müsabiqəyə təqdim edilən saytların müsabiqəyə buraxılması üçün mövcud qaydalara əməl olunmalıdır.

Belə ki, bu qaydalara əsasən saytlarda Azərbaycan dili versiyası olmalı, qanunvericiliyə zidd informasiyalar, Varez, keygen, crack tipli proqramlar, saytda 18+ bölməsi olmamalıdır və s.

Müsabiqədə iştirak edən saytlar öz resurslarında MillNet-in loqosunu yerləşdirməlidir.

Əgər qaydalar pozulubsa,  sayt müsabiqəyə buraxılmır və bu haqda iştirakçıya səbəb bildirilərək müsabiqədən uzaqlaşdırılır.

İmtina səbəbləri aradan qaldırılarsa. iddiaçı qeydiyyat başa çatan günədək yenidən müraciət edə bilir.

Bu prosesə MilliNet Moderatorları nəzarət edirlər. Moderatorlar saytların hər hansı formada qiymətləndirilməsini aparmır.  Onlar yalnız qaydalara uyğunluğu yoxlayır və bu məqsədlə iddiaçılarla onlayn rejimdə yazışmalar aparır.

 Moderatorlar qaydalara uyğun olan resursların müsabiqəyə buraxılması üçün Təşkilat Komitəsinə yönəldirir.

Təşkilat Komitəsi isə müsabiqəyə qəbul olunan resursların qiymətləndirilməsi üçün Münsiflər Komissiyasına təqdim edir.

Müsabiqəyə təqdim olunan saytların qeydiyyatı noyabr ayının 20-dək davam edəcək. Qiymətləndirmə prosesi dekabrın 15 -dək davam edəcək.

Milli İnternet Mükafatının ənənəvi yekun təqdimat mərasiminin dekabr ayının sonunda keçirilməsi nəzərdə tutulub.

Milli İnternet Mükafatına Rabitə və Yüksək Texnologiyalar Nazirliyi, Delta Telecom, Lenovo və Bestcomp şirkətləri dəstək verir.

 

Məltəm Talıbzadə


ŞƏRHLƏR






sorğu
İT mütəxəssislər iş yerlərini hansı meyarlar əsasında seçir ?
  • Şirkətin yüksək statusuna görə
  • İşin, layihənin xarakterinə görə
  • Əmək müqaviləsinin olmasına görə
  • Yüksək əmək haqqına, mükafatlara və digər güzəştlərə görə
  • Gələcək karyerası üçün əhəmiyyət kəsb etdiyinə görə
  • Maraqlı, işgüzar kollektivə görə