MilliNet müsabiqəsində qeydiyyat bu gün başa çatır

20-11-2017 / 10:45

Milli İnternet Mükafatı (MilliNet) müsabiqəsində qeydiyyat başa çatır.

Təşkilat Komitəsindən Xeberler.az-a verilən məlumata görə, MilliNet-də qeydiyyat bu gün 00.00-da başa çatacaq.

Qeyd edilib ki, bugünə qədər müsabiqəyə 20 nominasiya üzrə ümumilikdə 344 müraciət daxil olub. Onlardan 225-i öz təsdiqini tapıb, 88 layihə isə müsabiqəyə buraxılmayıb. 

Mill Net-də iştirak üçün mükafatın veb-saytı olan millinet.az-da “qeydiyyat” bölməsinə daxil olmaqla, sorğunu doldurmaq lazımdır.

Təqdim olunan İnternet resursları və İnternet layihələri kontent, dizayn və texnoloji istiqamətlər üzrə peşəkarlardan və mütəxəssislərdən ibarət Münsiflər Heyəti tərəfindən dəyərləndirilir.

Qiymətləndirmə prosesi dekabrın 15 -dək davam edəcək. Milli İnternet Mükafatının ənənəvi yekun təqdimat mərasiminin isə dekabrın sonlarında keçirilməsi nəzərdə tutulub.

Müsabiqədə qalib gələn saytlar bir-birindən dəyərli müxtəlif hədiyələr və MillNet müsabiqəsinin simvolu olan hörümçək toru əks edilmiş buta ilə təltif ediləcək.

Müsabiqəyə Nəqliyyat, Rabitə və Yüksək Texnologiyalar Nazirliyi rəsmi dəstək verir.

MilliNet-in Baş sponsoru Azertelecom şirkətidir.

Müsabiqəyə LENOVOBestCompİnnovasiyalar MərkəziNOVANEURON və Yello şirkətləri də dəstək verirlər. 

 Xeberler.az


ŞƏRHLƏR






sorğu
İT mütəxəssislər iş yerlərini hansı meyarlar əsasında seçir ?
  • Şirkətin yüksək statusuna görə
  • İşin, layihənin xarakterinə görə
  • Əmək müqaviləsinin olmasına görə
  • Yüksək əmək haqqına, mükafatlara və digər güzəştlərə görə
  • Gələcək karyerası üçün əhəmiyyət kəsb etdiyinə görə
  • Maraqlı, işgüzar kollektivə görə