TƏDBİRLƏR

14 İyun tarixində Moskva-da 3G, wi-max, mobile blogging və s Mobil Texnologiyalara həsr edilmiş BarCamp formatında olan MDB dövlətlərində ilk MobileCamp qeyri-Konfransı keçiriləcək.

Moskva yaxınlığında Klyazıminskiy su anbarının sahilində yerləşən “Noviy bereq” adlı istirahət mərkəzində keçiriləcək konfransa yüzlərlə iştirakçının,İT həvəskarlarının qatılacağı gözlənilir.

MobileCamp Moscow-da əsas müzakirə mövzuları isə aşağıdakılar olacaq:

Mobil Texnalogiyaların inkişafında əsas istiqamətlər,
Mikrobloqqinq və onun insanın sosial sferasının genişlənməsində əhəmiyyəti,
Mobil şəkillər və videolar: mobile məlumatlandırma xidməti
Yeni multimedia formatları və onların tətbiqi
Mobil internet: Wi-Fi , Wi-Max, 3G, etc formatları
İnternet şəbəkəsində mobil internetin inkişafı
Mobil televiziya
Mobil Telefonlar üçün proqram təminatları

Konfransın bir başqa özəlliyi də iştirakçıların da müzakirə mövzusu irəli sürmə ehtimalıdır. Bunun üçün sadəcə konfransın rəsmi saytında qeydiyyatdan keçərək müsabiqəyə qatılmaq lazımdır.

Nokianın xüsusi dəstəyi ilə həyata keçiriləcək konfransda  Nokia N97 modelinin təqdimatı da planlaşdırılır.

Məlumat üçün bildirək ki, MobileCamp Dünyada ilk dəfə 2007-ci ildə Nyu York şəhərində keçirilmiş və bir çox ölkələrdə böyük maraqla qarşılanmışdır.

MobileCamp Moscow haqqında ətraflı məlumatı www.mobilecamp.ru saytından əldə etmək olar.