Naxçıvanda Distant Təhsil Mərkəzi açılıb

07-07-2015 / 09:42

Azərbaycan Milli Elmlər Akademiyası Rəyasət Heyətinin üzvləri  ötən gün Naxçıvanda olublar.

AMEA-dan Xeberler.az-a verilən məlumata görə, AMEA-nın Rəyasət Heyətinin üzvləri Akademiyanın  Naxçıvan Bölməsinin Bioresurslar və Təbii Ehtiyatlar institutlarında olub, bölmənin Distant Təhsil Mərkəzinin açılışında iştirak ediblər.
Məlumat verilib ki,Azərbaycan Milli Elmlər Akademiyası Naxçıvan Bölməsində elmi-texniki yeniliklərin ən son nailiyyətləri tətbiq olunur. Son illər müasir informasiya texnologiyalarından istifadə elmi nailiyyətlərin artırılmasına səbəb olub, elektron kitabxana yaradılıb.

Azərbaycan Milli Elmlər Akademiyası Naxçıvan Bölməsinin Distant Təhsil Mərkəzinin fəaliyyətə başlamasının  da bu baxımdan mühüm əhəmiyyət daşıdığı vurğulanıb. 

Distant Təhsil Mərkəzi yaradılarkən bölmənin böyük akt zalında videokonfrans, kiçik akt zalında isə audiokonfrans sistemləri qurulub, hər iki zala optik kabel çəkilibdir. Mərkəzdə proyektor, kamera, 12 mikrofon və digər avadanlıqlar quraşdırılıb. Distant Təhsil Mərkəzi ölkəmizin və dünyanın istənilən elm mərkəzi ilə telekörpülərin yaradılmasına, eləcə də müştərək videokonfransların keçirilməsinə imkan yaradacaq. 

Mərkəzlə tanışlıqdan sonra Azərbaycan Milli Elmlər Akademiyası İnformasiya Texnologiyaları İnstitutu ilə videobağlantı yaradılıb.

 
Xeberler.az
 

 

ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.