Nazirin elmi rəhbər olduğu dissertasiya işi AAK tərəfindən təsdiq edilib

02-07-2015 / 13:39

Rabitə və Yüksək Texnologiyalar naziri, akademik Əli Abbasovun rəhbərliyi ilə koqnitiv texnologiyalar üzrə dissertasiya işi müvəffəqiyyətlə müdafiə olunaraq Respublika Ali Attestasiya Komissiyası (AAK) tərəfindən təsdiq edilib.   
 
Nazirlikdən Xəbərlər-ə verilən məlumata görə, “Telekommunikasiya şirkətlərinin açar idarəedici kompetensiyalarının identifikasiyasının üsul və modelləri” mövzusunda  dissertasiya işi AMEA İdarəetmə Sistemləri İnstitutunda dissertant İslam Səfərli tərəfindən müdafiə olunub.
 
Belə ki, dissertant  tərəfindən işlənmiş üsul və modellərin əsasını koqnitiv texnologiyaların ideya və instrumental vasitələri təşkil edir.
 
Qeyd edək ki, dissertasiya işinin elmi məsləhətçisi Robert Qarayevdir. 
 
Bu, Azərbaycanda koqnitiv texnologiyalar üzrə müdafiə olunan ikinci elmi işdir.
 
Respublikada koqnitiv texnologiyalar üzrə birinci iş 2004-cü ildə yerinə yetirilib. Bu işin də elmi rəhbəri akademik  Əli Abbasov olub.
 
Məlumat üçün bildirək ki, ABŞ Milli Elm Fondu tərəfindən koqnitiv texnologiyalar bio, nano və informasiya texnologiyaları ilə yanaşı, gələcək 50 il dünya elminin əsas trendlərinə aid edilir.  
 
Koqnitiv texnologiyalar mürəkkəb (zəif strukturlu) obyektlərin modelləşdirilməsi və idarə olunmasında yeni mərhələ açır.
 
Deterministik,  ehtimal və qeyri-səlis xarakterli ənənəvi obyektlərdən fərqli olaraq belə tipli obyektlər müasir dünya obyektlərinin dominant sinfini təşkil edir.

Xeberler.az


ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.