İNNOVASİYA VƏ STARTAP

Xəbər verdiyimiz kimi iyulun 3-də Startap Azərbaycan komandası Rabitə və yüksək texnologiyalar naziri Əli Abbasovla  görüşüb.

Görüşdə  ölkənin startap ekosisteminin  inkişafı ilə bağlı   Startap Azərbaycan tərəfindən , həmçinin də bir sıra  tədbir iştirakçıları tərəfindən  təkliflər  təqdim  edilib.

Məlumat verdiyimiz kimi Startap Azərbaycan tərəfindən hazırlanan Təkliflər paketi bir müddət öncə İT-nin İnkişafına Dəstək Dövlət Fondunda da aparılan müzakirələrin yekunu olaraq hazırlanmışdı.

Xeberler.az  nazirlə görüşdə səsləndirilən və  startap mühitinin inkişafına yönələn təkliflərin  bir qismini  təqdim edir:

-İT İnvestorlar Klubunun yaradılması

-İnvestisiya Forumunun keçirilməsi

-Uşaq Texnoparkının yaradılması

- “ASAN startap” sisteminin formalaşdırılması ( startaplar üçün konsaltinq xidmətlərinin, kargüzarlığn, qeydiyyatın, hüquqi məsələlərin həllində mekoriki – təşkilati – inzibati köməklik )

-Silikon Vadisində Dövlət Fondunun  nümayəndəliyinin açılması

-Təhsil və səfər təqaüdlərinin verilməsi

-Startap sahəsində Milli brendin yaradılması

-Prototiplərin hazırlanması üçün texniki dəstəyin verilməsi, “Hardware ” üçün laboratoriyalar yaratmaq

- Qrantların məbləği  haqqında qabaqcadan elan vermək

- Orta və iri həcmli qrantlar üçün Müşahidə Şurasında təqdimatların keçirilmək, layihələrin ekspetizasını  təkmilləşdirmək

-  İT Biznesin inkişafı üçün maliyyə dəstəyinin gücləndirilməsi

-Dövlət Fondunda  prioritet istiqamətlər üzrə Qrant müsabiqələrinin təşkil edilməsi

-Startaplara dəstək üçün beynəlxalq ekspertlərin ölkəyə dəvət və viza məsələlərinin həll edilməsi

- Yerli startapların beynəlxaq  bazara çıxışına dəstək vermək

- Startaplar və elektron ticarətə vergi və digər güzəştlərin tətbiq edilməsi

-Fərdi  investorların  investisiya yatırımları prosesinin tənzimlənməsi

-Beynəlxalq təcrübədən istifadə etməklə yerli hüquqi bazanın təkmilləşdirilməsi

- Kadr hazırlığına dəstək vermək

-Vençur şirkətlərin formalaşması və inkişafının stimullaşdırılması

- PayPal ödəniş sisteminin Azərbaycanda fəaliyyətini genişləndirmək üçün mühit yaratmaq

Qeyd edək ki, səsləndirilən təkliflərə diqqətlə və həssaslıqla yanaşan  nazir  Əli Abbasov bildirib ki,  bu təkliflərlə bağlı Rabitə və Yüksək Texnologiyalar Nazirliyində yenidən dəyərləndirmə aparılacaq, ümumiləşdiriləcək və təkliflərin realaşdırılması üçün konkret tədbirlər  görüləcək. Nəticəsi haqqında isə  İKT ictimaiyyətinə əlavə məlumat veriləcək.

Nazir onu da vurğulayıb ki,  RYTN-nin  tabeliyində İnformasiya Texnologiyalarının İnkişafı Dövlət Fondu tərəfindən startaplara diqqət daha da artırılacaq.

 Ruhəngiz Muradova