Bu gün Rabitə və Yüksək Texnologiyalar Nazirliyinin tabeliyində İnformasiya Texnologiyalarının İnkişafı Dövlət Fondu, “Startap Azərbaycan” yarışmasının qalibləri və iştirakçıları Rabitə və yüksək texnologiyalar naziri Əli Abbasovla görüşüb.
Xeberler.az-ın məlumatına görə, görüşün əsas məqsədi ölkədə Startap hərəkatının genişlənməsi və bu sahədə mövcud problemlər haqqında fikir mübadiləsi aparmaq olub. Tədbirdə həmçinin informasiya texnologiyaları sahəsində fəaliyyət göstərən startapçılar da iştirak ediblər.
Nazir Əli Abbasov İKT sahəsində sahibkarlığı inkişaf etdirmək məqsədilə yeni yaranan startap şirkətlərə və kiçik sahibkarlıq subyektlərinə qrant şəklində maliyyə dəstəyinin həyata keçirilməsindən danışıb.
Fondun icraçı direktoru Elçin Zeynalov, görüşün məqsədi və Fondun startap layihələrə göstərdiyi dəstək haqqında məlumat verib.
Tədbirdə Fondun elan etdiyi birinci və ikinci qrant müsabiqələrinin qalibi olmuş layihələr barədə təqdimatlar keçirilir, Fond haqqında video təqdimat nümayiş olunur.
Görüşün sonunda startap layihələri tərəfindən İKT sahəsində sahibkarlığın inkişafı üçün konkret təkliflər müzakirə olunacaq. Təqdim olunmuş təkliflər ətrafında fikir mübadiləsi aparılacaq.
Qeyd edək ki, Fond innovativ İKT xidmətlərinin və məhsullarının hazırlanması sahəsində qrant müsabiqələri keçirir. Belə ki, elan ediləcək növbəti qrant müsabiqəsində iştirak etmək istəyən şəxslər Fondun rəsmi İnternet səhifəsində, www.iktfund.gov.az, yerləşdirilmiş e-grant bölməsi vasitəsilə onlayn qeydiyyatdan keçərək öz layihələrini təqdim edə bilərlər.
Məltəm Talıbzadə
Televiziyaların reytinqini kim ölçür, necə ölçür və nəticələr ağlabatan olacaqmı?
Nazirlik inkubasiya mərkəzlərini niyə topladı? –Şərh
Windows 10-u necə sürətləndirmək olar?
Bizi idarə edən güc: Netokratiya
Tor: şəbəkənin nəzarətindən azad olmaq imkanı
Facebook müəmması
4G mobil texnologiyası niyə ləngiyir?
Rəqəmli yayım: mərkəzdən kənarda yaşayanlar nə etsin?
“Asan imzanı belə gördüm”- Azər Həsrət
Satışa çıxarılmış Azərbaycan adları