Startaplara ayrılan qrantın məbləği artacaq

17-08-2015 / 15:03

Rabitə və Yüksək Texnologiyalar Nazirliyinin tabeliyində İnformasiya Texnologiyalarının İnkişafı Dövlət Fondu yaxın zamanda üçüncü qrant müsabiqəsini elan etməyə hazırlaşır. Fond  üçüncü qrant müsabiqəsini sentyabrda elan edəcək.

Xeberler.az-ın İKT sektorundakı mənbədən əldə etdiyi məlumata görə, bu il  qrant müsabiqələrində Startap layihələri üçün ayrılan vəsaitin həcmi artırılacaq.

Qeyd edək ki, Fondun ilk qrant müsabiqəsində startaplara ayrılan qrantların   ən yuxarı həddi  20 min AZN, ikinci qrant müsabiqəsində isə ən yuxarı hədd 10 min AZN olub. Bu məbləğin üçüncü qrant müsabiqəsində artacağı gözlənilir.

Rabitə və yüksək texnologiyalar naziri Əli Abbasov startapçılarla görüşü zamanı  da İnformasiya Texnologiyalarının İnkişafı Dövlət Fondu tərəfindən startap layihələrə ayrılan vəsaitlərin həcminin artırılacağını vurğulamışdı.  

 

Məltəm Talıbzadə

 

 

 

ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.