PROQRAMLAR

Vətəndaş məmnunluğunun artırılması, dövlət xidmətlərinə əlçatanlığın təmin edilməsi və xidmət keyfiyyətinin yüksəldilməsi məqsədilə Oğuzda Vətəndaş Qəbulu və Elektron Xidmətlər Üzrə Dəstək Mərkəzi açılmışdır.

Xeberler.az bildirir ki, Vətəndaş Qəbulu və Elektron Xidmətlər Üzrə Dəstək Mərkəzi, dövlət xidmətlərinin vətəndaşlara daha əlçatan, şəffaf və effektiv şəkildə çatdırılması məqsədilə yaradılmış müasir xidmət məkanıdır. Mərkəzin əsas missiyası insan yönümlü idarəçiliyi dəstəkləmək, müraciət və xidmət proseslərini sadələşdirmək, rəqəmsal hökumət alətlərindən istifadədə vətəndaşlara dəstək olmaqdır.

Yeni yaradılmış mərkəz, vətəndaşlara bir sıra dövlət xidmətlərinin göstərilməsini daha sürətli, şəffaf və rahat şəkildə həyata keçirməyə imkan verəcək. Burada həmçinin elektron xidmətlərdən istifadə etməkdə çətinlik çəkən şəxslərə texniki dəstək və konsultativ xidmətlər göstəriləcək. Bu təşəbbüs rəqəmsal idarəetmə və vətəndaş yönümlü islahatlar istiqamətində atılan mühüm addımdır. Vətəndaşlar müraciətlərini həm şəxsən, həm də elektron platforma vasitəsilə edə bilərlər.

Mərkəzin əsas funksiyaları:

• Vətəndaşların yazılı və şifahi müraciətlərinin qəbulu, müraciətlərə operativ baxılması
• Onlayn və yerində müraciətlərin qeydiyyatı və cavablandırılması
• Kommunal və bələdiyyə sahələrində müraciətlərin yerində baxılması və cavablandırılmasını təmin etmək
• Sosial həssas qrupların müraciətlərinə xüsusi yanaşma
• Operativ və şəffaf xidmət
• Elektron hökumət portalı və digər platformalar üzərindən xidmətlərin göstərilməsi
• Rəqəmsal bacarıqlar üzrə maarifləndirmə və dəstək
• Eyni mərkəzdə çoxsaylı xidmətlərin göstərilməsi (bir pəncərə prinsipi)