Ekspert: NRYTN özəl provayderlərin 3500 müştərisini oğurlayıb

11-06-2019 / 10:31

"Nəqliyyat, Rabitə və Yüksək Texnologiyalar Nazirliyinin özəl provayderlərdən “oğurladığı” müştərilərin statistikası ilə maraqlandım. NRYTN indiyədək Data Plus, Trans EuroCom, Avirtel, AlfaNet, EngiNet, EuroTel, Global Network və s. özəl provayderlərin 3500-dək müştərisini “oğurlayıb” və qeyri-qanuni olaraq AzTelekom.Net dövlət provayderinin şəbəkəsinə keçirib. NRYTN bunu innovativ üsulla, müştəri ilə əsas ATS arasında Çindən alınan Huawei ATS-lərini yerləşdriməklə həyata keçirir. Hansı ki bu ATS-lərdə özəl provayderlərin xidmət üçün zəruri olan avadanlıqlarının yerləşdirilməsinə imkan verilmir.  Müştəri oğurluğu əsasən, Gəncə, Sumqayıt, Abşeron , Masallı və digər regionlarda həyata keçirilib. Proses davam edir."

Xeberler.az  məlumat verir ki, bu sözləri Azərbaycan İnternet Forumunun prezidenti, İKT sahəsi üzrə ekspert Osman Gündüz bildirib. Ekspert bu istiqamətdə işlərin qaydaya salınması üçün müvafiq qurumlara müraciətlərin hazırlandığını da qeyd edib:

"Elə provayderlər var ki, hətta bir gecədə 700 müştərisi “oğurlanıb”. 25 il olar ki, bu sektordayam. Nazirlik tərəfindən indiyədək belə bir qeyri-qanuni əməliyyat xatırlamıram. Müxtəlif zamanlarda , provayderlərin rabitə kanallarının kəsilməsi, əldə etmək istədiyi müstərisinin əlindən alındığı hallar olub. Lakin uzun illər xidmət göstərdiyi müştərisinin bir anda, heç bir əsas gətirmədən, heç bir xəbərdarlıq olunmadan ələ keçirilməsi, istifadəçi və provayder ilə razılaşdırmadan belə bir hüquqa zidd addım indiyədək müşahidə etməmişəm. NRYTN -ə müraciət edilsə də indiyədək nəticə olmayıb. Bildiyim qədər artıq daha yuxarılara müraciətlər hazırlanır"


ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.