MÜSAHİBƏ

Nəqliyyat, Rabitə və Yüksək Texnologiyalar Nazirliyi kabel kanalizasiya infrastrukturunu monopoliyada saxlayır".

Xeberler.az bildirir ki, bu sözləri Multimedia İnformasiya Sistemləri Texnologiyaları Mərkəzinin direktoru, Azərbaycan İnternet Forumunun prezidenti, ekspert Osman Gündüz deyib.

Onun sözlərinə görə, nazirlik digər özəl provayderlərin bu infrastrukturdan istifadəsinə imkan vermədiyi üçün bazarda rəqabət formalaşmır və nəticədə insanlara verilən internetin keyfiyyətində ciddi problemlər yaranır:

"Nazirlik özəl provayderlərə imkan yaradarsa, bazarda rəqabət yaranar və internetin keyfiyyəti qaydasına düşər. İnsanlar da narazı qalmaz. Ya internet satan "Aztelekom" və "Baktelekom"özəlləşməli, ya da özəl provayderlərə imkan yaradılmalıdır. Əks halda bu sahədə inkişafa nail olmaq çətin olacaq. Baxın, bu gün, nəinki rayonlar heç paytaxt Bakı fiber optik sistemlə təmin olunmayıb.

Ayrı-ayrı özəl provayderlər iddia edirlər ki, "Aztelekom"və "Baktelekom" onların müştərilərini "oğurlayırlar". Azərbaycanda internetin zəifliyinin yeganə problemi rəqabətli mühitin olmamasıdır. Ümumiyyətlə, dünyada dövlət provayderi anlayışı yoxdur. Bu mənada yuxarıda adlarını çəkdiyim dövlət provayderləri özəlləşməlidir. Bir əcnəbi mütəxəssisin yanında dövlət provayderi deyəndə o, başa düşmədi. Hesab edirəm ki, nazirlik ya kommersiya ilə məşğul olmalı, ya da tənzimləyici quruma çevrilməlidir".